2020 June 05 Friday
കോവിഡിനെതിരെ പ്രതിരോധം ശക്തമാക്കി ബഹ്റൈന്‍; രാജ്യത്ത് പരീക്ഷണാടിസ്ഥാനത്തില്‍ ഇനി പ്ലാസ്മ ചികിത്സയും

പള്ളിവാസല്‍ എക്‌സ്റ്റന്‍ഷന്‍ പദ്ധതിയില്‍ അഴിമതി

തിരുവനന്തപുരം: പള്ളിവാസല്‍ എക്സ്റ്റന്‍ഷന്‍ പദ്ധതിയില്‍ അഴിമതി നടന്നുവെന്ന പരാതിയില്‍ ത്വരിതപരിശോധനയ്ക്ക് വിജിലന്‍സ് ഡയറക്ടര്‍ ജേക്കബ് തോമസ് ഉത്തരവിട്ടു. പദ്ധതിക്കായി ഭൂമി ഏറ്റെടുത്തതില്‍ ഒന്നരക്കോടി രൂപയുടെ ക്രമക്കേട് നടന്നെന്നാണ് പരാതി.
വിജിലന്‍സ് തൊടുപുഴ ഡിവൈ.എസ്.പിക്കാണ് അന്വേഷണ ചുമതല. പള്ളിവാസല്‍ പദ്ധതി നടപ്പാക്കുന്നതില്‍ വന്‍ അഴിമതി നടന്നിട്ടുണ്ടെന്ന് കഴിഞ്ഞ സര്‍ക്കാരിന്റെ കാലത്തു തന്നെ ആരോപണമുയര്‍ന്നിരുന്നു. 2007ല്‍ പദ്ധതിക്കായി ഭൂമി ഏറ്റെടുത്തതുമായി ബന്ധപ്പെട്ടാണ് അഴിമതി നടന്നത്.
പദ്ധതിക്കുവേണ്ടി പൊന്നുംവിലയ്ക്കാണ് ഭൂമി ഏറ്റെടുത്തത്. ഇത് 2003ലാണ് ആരംഭിച്ചത്. 8,823 ഹെക്ടര്‍ സ്ഥലം ഏറ്റെടുക്കുകയും ചെയ്തു.
തരിശായി കിടന്ന ഭൂമിയും പൊന്നുംവിലയ്ക്കാണ് കെ.എസ്.ഇ.ബി ഏറ്റെടുത്തത്. 6,91,36,051 രൂപയാണ് ഭൂമിക്കായി നല്‍കിയതെന്നാണ് കണക്ക്. ഇതില്‍ വന്‍ അഴിമതി നടന്നിട്ടുണ്ടെന്ന് നേരത്തെതന്നെ ആരോപണം ഉണ്ടായിരുന്നു.
ഭൂമി ഏറ്റെടുത്തതില്‍ പട്ടയരേഖകളില്ലാത്തതും ഉള്‍പ്പെട്ടിരുന്നു. 17 പേര്‍ക്കായി 1,38,75,543 രൂപ ഇതിനായി നല്‍കുകയും ചെയ്തു. പട്ടയമുള്‍പ്പെടെയുള്ള രേഖകള്‍ സ്വകാര്യ വ്യക്തികളുടെ പേരില്‍ വ്യാജമായി ചമച്ചാണ് തട്ടിപ്പ് നടത്തിയതത്രേ.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.