2018 November 17 Saturday
ജീവിച്ചതല്ല ജീവിതം, നാം ഓര്‍മയില്‍ വയ്ക്കുന്നതാണ്, പറഞ്ഞു കേള്‍പ്പിക്കാന്‍ വേണ്ടി നാം ഓര്‍മ്മയില്‍ വയ്ക്കുന്നതാണു ജീവിതം

പയ്യോളി ബസ് സ്റ്റാന്റ് കൈയേറി സ്വകാര്യ വാഹനങ്ങള്‍

 

പയ്യോളി: ബൈക്കും കാറും ഉള്‍പ്പെടെ സ്വകാര്യ വാഹനങ്ങള്‍ പയ്യോളി ബസ് സ്റ്റാന്റില്‍ പ്രവേശിക്കുന്നതും നിര്‍ത്തിയിടുന്നതും അപകട ഭീഷണി ഉയര്‍ത്തുന്നു.
നേരത്തെ ബസുകള്‍ക്ക് മാത്രം പ്രവേശനം ഉണ്ടായിരുന്ന ബസ് സ്റ്റാന്റില്‍ കഴിഞ്ഞ പഞ്ചായത്ത് ഭരണ സമിതിയുടെ കാലത്താണ് ഓട്ടോറിക്ഷകള്‍ക്ക് പാര്‍ക്കിങ് അനുവദിച്ചത്.
എന്നാല്‍ ഓട്ടോറിക്ഷകള്‍ നിശ്ചിത സ്ഥലത്ത് മാത്രമേ നിര്‍ത്തിയിടാവൂ എന്ന നിബന്ധനയില്‍ പിന്നീട് ഓട്ടോ ബേ നിര്‍മിച്ച് നിയന്ത്രണം ഏര്‍പ്പെടുത്തിയിരുന്നു.എന്നാല്‍ ഇന്ന് പലരും ഓട്ടോബേയില്‍ നിര്‍ത്താതെ പുറത്താണ് ദീര്‍ഘ സമയം നിര്‍ത്തിയിടുന്നത്. ഇത് ബസ് യാത്രക്കാര്‍ക്കും വ്യാപാര സ്ഥാപനങ്ങളില്‍ വരുന്നവര്‍ക്കും ബുദ്ധിമുട്ടുണ്ടാക്കുന്നുണ്ട്. ഇതിന് പുറമേയാണ് സ്വകാര്യ വാഹനങ്ങളുടെ പാര്‍ക്കിങ്ങും. ദേശീയപാതയില്‍ നിന്ന് അമിത വേഗതയില്‍ പ്രവേശിക്കുന്ന ബസുകള്‍ക്കിടയില്‍ നിന്നു ഭാഗ്യം കൊണ്ടാണ് ഇരുചക്ര വാഹനങ്ങള്‍ രക്ഷപ്പെടുന്നത്.
ബസ് സ്റ്റാന്റിലെ സ്വകാര്യ വാഹനങ്ങള്‍ക്ക് നിയന്ത്രണമേര്‍പ്പെടുത്തണമെന്നും ഇതിന്നായി പൊലിസിന്റെ സാന്നിധ്യം ഉറപ്പ് വരുത്തണമെന്ന ആവശ്യവും ശക്തമായിട്ടുണ്ട്.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.