2020 August 13 Thursday
കോവിഡിനെതിരെ പ്രതിരോധം ശക്തമാക്കി ബഹ്റൈന്‍; രാജ്യത്ത് പരീക്ഷണാടിസ്ഥാനത്തില്‍ ഇനി പ്ലാസ്മ ചികിത്സയും

പയ്യന്നൂരില്‍ 50 ബൂത്തുകളില്‍ കള്ളവോട്ട്: യു.ഡി.എഫ്

പയ്യന്നൂര്‍: നിയോജക മണ്ഡലത്തിലെ അന്‍പതിലധികം ബൂത്തുകളില്‍ കള്ളവോട്ടിലൂടെ 90 ശതമാനം വോട്ടുകള്‍ ചെയ്തതായും അത്തരം ബൂത്തുകളില്‍ റീ പോളിങ് നടത്തണമെന്നും യു.ഡി.എഫ് നിയോജക മണ്ഡലം കമ്മിറ്റി ആവശ്യപ്പെട്ടു.
എല്‍.ഡി.എഫ് കേന്ദ്രങ്ങളില്‍ സ്ഥലത്തില്ലാത്തവരുടെയും മരിച്ചവരുടെയും വോട്ടുകള്‍ കള്ളവോട്ടുകള്‍ ചെയ്താണ് പോളിങ് 90 ശതമാനത്തില്‍ അധികമായതെന്നും ഒരേ ആളുകള്‍ തന്നെ പലതവണ കള്ളവോട്ടുകള്‍ ചെയ്തതായും ബൂത്തുകളില്‍ സ്ഥാപിച്ച കാമറകള്‍ പരിശോധിച്ചാല്‍ വ്യക്തമാകുമെന്നും കമ്മിറ്റി ആരോപിച്ചു.
യോഗത്തില്‍ എസ്.എ ഷുക്കൂര്‍ ഹാജി അധ്യക്ഷനായി. എം. നാരായണന്‍കുട്ടി, കെ.ടി സഹദുല്ല, എം. ശങ്കരന്‍, എ.പി നാരായണന്‍, ഡി.കെ ഗോപിനാഥന്‍, കെ.കെ സുരേഷ്‌കുമാര്‍, ബി. സജിത്ത്‌ലാല്‍, കൃഷ്ണന്‍ സംസാരിച്ചു. കാമറകള്‍ പരിശോധിച്ച് കള്ളവോട്ട് ചെയ്തവരെയും അതിനു കൂട്ടുനിന്ന ഉദ്യോഗസ്ഥരെയും നിയമത്തിനു മുന്നില്‍ കൊണ്ടുവരണമെന്നും 90 ശതമാനത്തില്‍ കൂടുതല്‍ പോള്‍ ചെയ്ത ബൂത്തുകളില്‍ റീപോളിങ് നടത്തണമെന്നും ആവശ്യപ്പെട്ട് യു.ഡി.എഫ് സംസ്ഥാന മുഖ്യ തെരഞ്ഞെടുപ്പ് കമ്മിഷണര്‍ക്ക് പരാതി നല്‍കി.

 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.