2019 July 23 Tuesday
നിങ്ങളുടെ അമ്മയോട് സംസാരത്തില്‍ മൂര്‍ച്ചയുള്ള വാക്കുകള്‍ ഉപയോഗിക്കരുത്. നിങ്ങളെ സംസാരിക്കാന്‍ പഠിപ്പിച്ചത് ആ അമ്മയാണെന്ന് മറക്കരുത്.

പത്രപ്രവര്‍ത്തകയുടെ മുന്നില്‍ ഗവണ്മെന്റ് ഉദ്യോഗസ്ഥരായി ആള്‍മാറാട്ടം: ഇന്ത്യക്കാരടക്കം മൂന്ന് പേര്‍ പിടിയില്‍

റിയാദ്: വനിതാ മാധ്യമ പ്രവര്‍ത്തകയെ ആള്‍മാറാട്ടം നടത്തി കബളിപ്പിച്ച കേസില്‍ ഇന്ത്യക്കാരടക്കം മൂന്നു പേരെ സഊദി സുരക്ഷാ സേന പിടികൂടി.

ഗവണ്മെന്റ് ഉദ്യോഗസ്ഥയാണെന്നും തനിക്ക് ഗവണ്‍മെന്റ് വകുപ്പുകളില്‍ നിന്നും വിലപിടിപ്പുള്ള അത്തറുകള്‍ ലഭിച്ചുവെന്നും അത് തനിക്ക് സമ്മാനാമായി നല്‍കുന്നുവെന്നും കാണിച്ചാണ് അത്തര്‍ കുപ്പികള്‍ മാധ്യമ പ്രവര്‍ത്തകക്ക് നല്‍കിയത്.

ഇവര്‍ ഇക്കാര്യം വീഡിയോ സഹിതം സാമൂഹിക മാധ്യമങ്ങള്‍ വഴി പുറത്തു വിട്ടതിനെ തുടര്‍ന്ന് നടത്തിയ അന്വേഷണത്തിലാണ് പ്രതികളായ മൂന്നു പേരെ പിടികൂടിയത്. ഇതില്‍ ഒരാള്‍ ഇന്ത്യക്കാരനാണ്.

എണ്‍പതു ലക്ഷം ഡോളര്‍ വിലവരുന്ന അത്തറുകളാണെന്ന് അവകാശപ്പെട്ടാണ് സംഘം ഗള്‍ഫ് മാധ്യമപ്രവര്‍ത്തകക്ക് ഉപഹാരം സമ്മാനിച്ചത്. സഊദി പൗരന്‍ അബ്ദുല്ല സ്വാലിഹ് അല്‍മുതൈരി, ലെബനോന്‍ പൗരന്‍ നദീര്‍ നബീഹ് ഹാനി, മതീന്‍ അഹ്മദ് എന്നിവരാണ് അറസ്റ്റിലായത്.

ഇവരില്‍ മതീന്‍ അഹ്മമദ് ഇന്ത്യക്കാരനാണെന്നു പ്രാദേശിക മാധ്യമങ്ങള്‍ റിപ്പോര്‍ട്ട് ചെയ്തു. തുടര്‍ന്ന് അധികൃതര്‍ നടത്തിയ പരിശോധനയില്‍ സംഘത്തിന്റെ പക്കല്‍ വിലകുറഞ്ഞ, ഗുണമേന്മയില്ലാത്ത അത്തര്‍ പെട്ടികള്‍ കണ്ടെത്തി. ഗള്‍ഫ് മാധ്യമപ്രവര്‍ത്തക സാമൂഹികമാധ്യമങ്ങളില്‍ പോസ്റ്റ് ചെയ്ത വീഡിയോ ക്ലിപ്പിംഗില്‍ പ്രത്യക്ഷപ്പെട്ടതിനു സമാനമായ അത്തര്‍ പെട്ടികളാണ് സംഘത്തിന്റെ പക്കല്‍ കണ്ടെത്തിയത്. തങ്ങളുടെ വ്യക്തിപരമായ ആവശ്യങ്ങള്‍ക്ക് ചൂഷണം ചെയ്യുന്നതിനാണ് മാധ്യമപ്രവര്‍ത്തകക്ക് സംഘം സര്‍ക്കാര്‍ വകുപ്പുകളില്‍ നിന്നുള്ളതാണെന്ന് തെറ്റിദ്ധരിപ്പിച്ച് ഉപഹാരം കൈമാറിയത്.


 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.