2019 August 20 Tuesday
തെറ്റു ചെയ്യുന്നവന്‍ മനുഷ്യനാണ്; അതിനെക്കുറിച്ചോര്‍ത്തു ദു:ഖിക്കുന്നവന്‍ മഹര്‍ഷിയാണ്; എന്നാല്‍ അതില്‍ അഭിമാനം കൊള്ളുന്നവന്‍ പിശാചാണ്.

ന്യൂനപക്ഷ സ്‌കോളര്‍ഷിപ്പ് നട്ടംതിരിഞ്ഞ് അപേക്ഷകര്‍

കണ്ണൂര്‍: നടപടിക്രമങ്ങളിലെ അവ്യക്തത ന്യൂനപക്ഷ സ്‌കോളര്‍ഷിപ്പിനു അപേക്ഷിച്ച വിദ്യാര്‍ഥികളെ നട്ടംതിരിക്കുന്നു. കേന്ദ്രസര്‍ക്കാരിന്റെ കീഴിലുള്ള ന്യൂനപക്ഷ മന്ത്രാലയമാണ് ഒന്നുമുതല്‍ പത്തുവരെ ക്ലാസില്‍ പഠിക്കുന്ന വിദ്യാര്‍ഥികള്‍ക്കായി പ്രീമെട്രിക് സ്‌കോളര്‍ഷിപ്പ് നല്‍കുന്നത്. ഈ വര്‍ഷത്തെ അപേക്ഷ ക്ഷണിച്ചിട്ട് ദിവസങ്ങളായെങ്കിലും വിദ്യാര്‍ഥികളും അധ്യാപകരും ആശയകുഴപ്പത്തിലാണ്.
സാധാരണയായി ഓരോ വര്‍ഷവും സ്‌കോളര്‍ഷിപ്പിന് അപേക്ഷിക്കുമ്പോള്‍ മുന്‍ വര്‍ഷം അപേക്ഷിച്ച് സ്‌കോളര്‍ഷിപ്പ് ലഭിച്ചവരുടെ ലിസ്റ്റ് സ്‌കൂള്‍ ഓഫിസില്‍ വരാറുണ്ട്.
ഇത്തവണ അതു വന്നില്ലെന്നു മാത്രമല്ല ചില അപേക്ഷകര്‍ക്ക് അക്കൗണ്ടില്‍ നേരിട്ട് പണമെത്തുകയും ചെയ്തു. ഇതുകാരണം അപേക്ഷാ ഫോറത്തില്‍ പുതുതായി അപേക്ഷിക്കുന്നവരോ അതോ പുതുക്കുന്നവരോയെന്ന ചോദ്യകോളത്തില്‍ എന്തെഴുതണമെന്ന് പലര്‍ക്കുമറിയില്ല.
സ്‌കോളര്‍ഷിപ്പിനായി അപേക്ഷിക്കുന്നവര്‍ ഒന്‍പതോളം രേഖകള്‍ സ്‌കാന്‍ ചെയ്തു നാഷനല്‍ സ്‌കോളര്‍ഷിപ്പ് പോര്‍ട്ടല്‍ വഴി ഓണ്‍ലൈനായി നല്‍കണമെന്ന നിബന്ധന ഭൂരിഭാഗം വിദ്യാലയങ്ങള്‍ക്കും തടസമായിരിക്കുകയാണ്.
സ്‌കൂളുകളില്‍ സ്‌കാനര്‍ ഇല്ലാത്തതിനാല്‍ അക്ഷയ സെന്ററുമായി ബന്ധപ്പെടേണ്ട ഗതികേടുമുണ്ട്. ഇതുസംബന്ധിച്ചു കൃത്യമായ നിര്‍ദേശങ്ങള്‍ മന്ത്രാലയം നല്‍കാത്തതു കാരണം അപേക്ഷകരായ വിദ്യാര്‍ഥികളില്‍ പലരും ആനുകൂല്യം നഷ്ടപ്പെടുമെന്ന ആശങ്കയിലാണ്.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.