2019 September 17 Tuesday
ദാരിദ്ര്യത്തെക്കുറിച്ച് ലജ്ജിക്കാനില്ല. അതില്‍ ലജ്ജതോന്നുന്നതാണ് ലജ്ജാകരം.

ന്യൂജഴ്‌സിയില്‍ ട്രെയിന്‍ അപകടത്തില്‍ മൂന്ന് മരണം, നൂറുപേര്‍ക്ക് പരുക്ക്

ന്യൂയോര്‍ക്ക്: അമേരിക്കയിലെ ന്യൂ ജഴ്‌സിയില്‍ ട്രെയിന്‍ പാളം തെറ്റി റെയില്‍വേ സ്റ്റേഷനിലേക്കു തകര്‍ന്നു വീണു. സംഭവത്തില്‍ മൂന്നുപേര്‍ മരിക്കുകയും നൂറിലേറെ പേര്‍ക്കു പരുക്കേല്‍ക്കുകയും ചെയ്തു. പരുക്കേറ്റവരില്‍ പലരുടെയും നില ഗുരുതരമാണ്.
ന്യൂയോര്‍ക്ക് സിറ്റിക്കു കുറുകെ ഒഴുകുന്ന ഹഡ്‌സണ്‍ നദിയുടെ പടിഞ്ഞാറന്‍ കരയിലെ ഹോബോകന്‍ റെയില്‍വേ സ്റ്റേഷനില്‍ അമേരിക്കന്‍ സമയം രാവിലെയാണു സംഭവം. സ്റ്റേഷനില്‍ തിരക്കു കൂടിയ സമയത്താണ് അപകടമുണ്ടായത്. സംഭവത്തില്‍ മരണസംഖ്യ ഇനിയും കൂടാനിടയുണ്ട്.
ട്രെയിന്‍ തകര്‍ന്ന ശേഷം സ്റ്റേഷനിലെ ടിക്കറ്റ് ബാരിയറും കടന്നു സ്വീകരണ കേന്ദ്രത്തിലേക്ക് ഇടിച്ചുകയറിയതായി പ്രാദേശിക മാധ്യമങ്ങള്‍ റിപ്പോര്‍ട്ട് ചെയ്തു. മാന്‍ഹാട്ടനും ന്യൂജഴ്‌സിക്കുമിടയില്‍ ഏറ്റവും തിരക്കേറിയ പാതയാണിത്. അപകടത്തെ തുടര്‍ന്ന് ഹോബോകന്‍ സ്റ്റേഷന്‍ വഴിയുള്ള ട്രെയിന്‍ ഗതാഗതം നിര്‍ത്തിവച്ചു.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.