2018 November 21 Wednesday
ജനങ്ങളേ, നിങ്ങള്‍ക്ക് നിങ്ങളുടെ നാഥനിങ്കലില്‍നിന്നുള്ള തത്വോപദേശങ്ങളും ശമനവും മാര്‍ഗദര്‍ശനവും സത്യവിശ്വാസികള്‍ക്ക് കാരുണ്യവും വന്നെത്തിയിരിക്കുന്നു

നോര്‍ക്ക ഐഡിയുള്ള പ്രവാസികള്‍ക്ക് ഒമാന്‍ എയറില്‍ നിരക്കിളവ്

റിയാദ്: നോര്‍ക്ക രജിസ്‌ട്രേഷന്‍ ഐഡി കാര്‍ഡുള്ള പ്രവാസികള്‍ക്ക് ഒമാന്‍ എയറില്‍ നിരക്കിളവ് പ്രഖ്യാപിച്ചുള്ള പദ്ധതിക്ക് തുടക്കമായി. വിദേശികളായ യാത്രക്കാര്‍ക്ക് ഏഴു ശതമാനം ഇളവ് പ്രഖ്യാപിക്കുന്ന പദ്ധതി ധാരണാപത്രം തിരുവനന്തപുരത്ത് വെച്ച് നടന്ന ചടങ്ങില്‍ മുഖ്യ മന്ത്രി പിണറായി വിജയന് ഒമാന്‍ എയര്‍, നോര്‍ക്ക റൂട്‌സ് അധികൃതര്‍ കൈമാറി.

ഇന്ത്യയില്‍നിന്ന് വിദേശത്തേയ്ക്കും തിരിച്ചു സ്വന്തം നാട്ടിലേക്കും ഒമാന്‍ എയര്‍ വിമാനങ്ങളില്‍ യാത്ര ചെയ്യുന്ന പ്രവാസി മലയാളികള്‍ക്കാണ് നോര്‍ക്ക ഫെയര്‍ സൗജന്യനിരക്ക് ലഭ്യമാകുക.

ഒമാന്‍ എയര്‍ വിമാനങ്ങളില്‍ യാത്ര ചെയ്യുന്ന നോര്‍ക്ക ഐഡന്റിറ്റി കാര്‍ഡ് ഉള്ള വിദേശമലയാളികള്‍ക്ക് ടിക്കറ്റ് നിരക്കില്‍ ഏഴു ശതമാനം ഇളവ് അനുവദിക്കുന്നതാണ് ഈ പദ്ധതി. കാര്‍ഡ് ഉടമയുടെ ജീവിതപങ്കാളിക്കും 18 വയസ്സ് തികയാത്ത മക്കള്‍ക്കും ഈ ആനുകൂല്യം ലഭിക്കുമെന്നതും ഇതിന്റെ പ്രത്യേകതയാണ്.

നോര്‍ക്ക റൂട്ട്‌സും സുല്‍ത്താനേറ്റ് ഓഫ് ഒമാന്റെ ദേശീയ വിമാനകമ്പനിയായ ഒമാന്‍ എയറും ചേര്‍ന്ന് നടപ്പാക്കുന്ന പദ്ധതിയുടെ ധാരണാപത്രം മുഖ്യമന്ത്രി പിണറായി വിജയന്റെ സാന്നിധ്യത്തില്‍ കൈമാറി.

നോര്‍ക്ക വകുപ്പ് പ്രിന്‍സിപ്പല്‍ സെക്രട്ടറി ഡോ. കെ. ഇളങ്കോവന്‍, നോര്‍ക്ക റൂട്ട്‌സ് എക്‌സിക്യൂട്ടീവ് വൈസ് ചെയര്‍മാന്‍ കെ. വരദരാജന്‍, ചീഫ് എക്‌സിക്യൂട്ടീവ് ഓഫീസര്‍ കെ. ഹരികൃഷ്ണന്‍ നമ്പൂതിരി, ഒമാന്‍ എയര്‍ ഇന്ത്യന്‍ സബ് കോണ്ടിനെന്റ് റീജിയണല്‍ വൈസ് പ്രസിഡന്റ് സുനില്‍.വി.എ, സെന്‍ട്രല്‍ ആന്റ് സൗത്ത് കേരള മാനേജര്‍ ബാലു എബ്രഹാം വര്‍ഗ്ഗീസ് എന്നിവര്‍ പങ്കെടുത്തു.

ഒമാന്‍ എയറിന്റെ ഇന്ത്യയിലെ ഓഫീസുകള്‍ വഴിയും https://www.omanair.com/en/exclusive-discount-for-norka-members എന്ന വെബ്ബ്‌സൈറ്റ് ലിങ്കില്‍ NORKA2018 എന്ന പ്രൊമോഷന്‍ കോഡ് നല്‍കിയും ഈ സൗകര്യം വിനിയോഗിക്കാവുന്നതാണ്.

ഇതിനായി നോര്‍ക്ക രജിസ്‌ട്രേഷനുള്ള ഐഡന്റിറ്റി കാര്‍ഡ് ലഭ്യമാകണം/ നോര്‍ക്ക ഐഡന്റിറ്റി കാര്‍ഡ് ലഭിക്കുന്നതിന് http://202.88.244.146:8083/nrkregitsration/ സന്ദര്‍ശിക്കുക. കൂടുതല്‍ വിവരങ്ങള്‍ 1800 425 3939, 0471 233 33 39 എന്നീ നമ്പരുകളില്‍ ലഭിക്കും.


 


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

Latest News