2019 September 20 Friday
ദാരിദ്ര്യത്തെക്കുറിച്ച് ലജ്ജിക്കാനില്ല. അതില്‍ ലജ്ജതോന്നുന്നതാണ് ലജ്ജാകരം.

നോട്ട് നിരോധനം: എല്ലാ ഹരജികളും ഇന്നു പരിഗണിക്കും

ന്യൂഡല്‍ഹി: ഉയര്‍ന്നമൂല്യമുള്ള നോട്ടുകള്‍ പിന്‍വലിച്ച കേന്ദ്രസര്‍ക്കാരിന്റെ തീരുമാനത്തിലെ ഭരണഘടനാ സാധുത പരിശോധിക്കണമെന്നതുള്‍പ്പെടെയുള്ള ഹരജികള്‍ സുപ്രിംകോടതി ഇന്നു പരിഗണിക്കും. ചീഫ്ജസ്റ്റിസ് ടി.എസ് താക്കൂര്‍ അധ്യക്ഷനായ ബെഞ്ചാണ് ഹരജികളില്‍ വാദംകേള്‍ക്കുക.
നോട്ട് നിരോധിക്കുമ്പോള്‍ പാലിക്കേണ്ട നടപടിക്രമങ്ങള്‍ നരേന്ദ്രമോദി സര്‍ക്കാര്‍ പാലിച്ചോ, കഴിഞ്ഞമാസം എട്ടിന് രാത്രി നോട്ട് പിന്‍വലിക്കുന്നതായി പ്രഖ്യാപനം നടത്തിയ സര്‍ക്കാരിന്റെ നടപടിയിലെ ഭരണഘടനാ സാധുത, തീരുമാനം ജനങ്ങള്‍ക്കു വരുത്തിവച്ച ബുദ്ധിമുട്ട് എന്നീ കാര്യങ്ങളാവും ഇന്നു കോടതി പരിഗണിക്കുക.
നോട്ട് നിരോധനത്തിലെ ഭരണഘടനാ സാധുതചോദ്യംചെയ്യുന്ന ഹരജിയില്‍ സി.പി.എമ്മും കക്ഷിചേര്‍ന്നിട്ടുണ്ട്. നോട്ട് നിരോധനവുമായി ബന്ധപ്പെട്ട് നിലവില്‍ സുപ്രിംകോടതിയില്‍ നിരവധി കേസുകളുണ്ട്. വിവിധ ഹൈക്കോടതികളിലുള്ള 15ഓളം ഹരജികള്‍ സ്‌റ്റേചെയ്യണമെന്ന കേന്ദ്രസര്‍ക്കാരിന്റെ ആവശ്യം, പണം നിക്ഷേപിക്കുന്നതും പിന്‍വലിക്കുന്നതും സംബന്ധിച്ചു റിസര്‍വ്വ് ബാങ്ക് ഏര്‍പ്പെടുത്തിയ നിയന്ത്രണങ്ങള്‍ ചോദ്യംചെയ്ത് കേരളത്തിലെ 14 ജില്ലാസഹകരണ ബാങ്കുകള്‍ നല്‍കിയ ഹരജി, 100 രൂപയ്ക്കു മുകളിലുള്ള എല്ലാ നോട്ടുകളും പിന്‍വലിക്കണമെന്നാവശ്യപ്പെട്ട് ബി.ജെ.പി നേതാവ് അശ്വനി ഉപാധ്യായ നല്‍കിയ ഹരജി, തമിഴ്‌നാട്ടില്‍ നിന്നുള്ള സഹകരണ ബാങ്കുകളടക്കമുള്ളവര്‍ നല്‍കിയ ഹരജി എന്നിവയാണ് മറ്റുള്ളവ.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

Latest News