2019 February 19 Tuesday
യുക്തിയും ശാന്തമായി തീരുമാനമെടുക്കാനുള്ള കഴിവുമാണ് ഒരു നേതാവിനുവേണ്ട വിശിഷ്ടഗുണങ്ങള്‍ -കോര്‍ണിലിയസ് ടാസിറ്റസ്‌

നെഹ്‌റു ട്രോഫി ജലോത്സവം: റവന്യൂ ഡിവിഷണല്‍ ഓഫിസ് ശുചീകരിച്ച് തുടങ്ങി

മണ്ണഞ്ചേരി : മാലിന്യം പേറിക്കിടന്ന റവന്യൂ ഡിവിഷണല്‍ ഓഫിസ് വൃത്തിയാക്കി തുടങ്ങി. നെഹ്‌റു ട്രോഫി ജലോത്സവത്തിന്റെ സംഘാടക സമിതി കേന്ദ്രമായതോടെയാണ് ജില്ലാ റവന്യൂ ഡിവിഷണല്‍ ഓഫിസ് ശുചീകരിച്ച് തുടങ്ങിയത്.
ആഘോഷങ്ങള്‍ വരുന്ന മുറയ്ക്കു മാത്രമേ ഓഫിസ് വളപ്പുകള്‍ വൃത്തിയാക്കുവെന്ന നിലപാടാണ് ജില്ലാ റവന്യൂഡിവിഷന്‍ ഓഫിസ് അധികൃതര്‍ക്കുള്ളത്. മാസങ്ങളായി മാലിന്യം നിറഞ്ഞ അന്തരീക്ഷത്തില്‍ പ്രവര്‍ത്തിച്ചിരുന്ന ഇവിടെ നെഹ്‌റു ട്രോഫി ജലോത്സവത്തിന്റെ സംഘാടക സമിതിയുടെ കേന്ദ്രമാകുന്നത് മുന്‍കൂട്ടി കണ്ടാണ് വൃത്തിയാക്കുന്നത്. ഈ ഓഫിസും ഇതിനോട് ചേര്‍ന്നു നില്‍ക്കുന്ന കോടതിമുറ്റവും മാലിന്യം നിറഞ്ഞു കിടക്കുകയായിരുന്നു.
ഓഫിസ് സമുച്ഛയത്തിന്റെ നടുമുറ്റത്തു നില്‍ക്കുന്ന പ്ലാവില്‍ നിന്ന് വീണിരുന്ന ഇലകളും ചക്കയും ചീഞ്ഞ് പരിസരമാകെ അസഹനീയമായ ഗന്ധം വമിക്കുന്ന നിലയിലായിരുന്നു. ജലമാമാങ്കത്തിന്റെ കമാനങ്ങള്‍ ഉയര്‍ന്നതോടെയാണ് മാലിന്യത്തെ കുറിച്ചുള്ള ചിന്ത അധികൃതര്‍ക്കുണ്ടായത്.
ജില്ലയിലെ പ്രധാനപ്പെട്ട നീതി വ്യവഹാര കേന്ദ്രങ്ങളായ ഇവിടെ മാതൃകയോടെ പൊരുമാറേണ്ട സ്ഥലങ്ങള്‍ കൂടിയാണ്. സംസ്ഥാന വ്യാപകമായി മഴക്കാല ശുചീകരണ പ്രവര്‍ത്തനങ്ങള്‍ വലിയ ക്യാമ്പയിനായി നടത്തിയിട്ടും ഇവിടേക്ക് ആരും തിരിഞ്ഞു നോക്കിയിരുന്നില്ല. പുറമേയുള്ള മാലിന്യങ്ങള്‍ മാത്രമേ മാറ്റിയിട്ടുള്ളു.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.