2020 July 13 Monday
കോവിഡിനെതിരെ പ്രതിരോധം ശക്തമാക്കി ബഹ്റൈന്‍; രാജ്യത്ത് പരീക്ഷണാടിസ്ഥാനത്തില്‍ ഇനി പ്ലാസ്മ ചികിത്സയും

നിഷില്‍ ഇ.സി.എസ്.ഇ ഡിപ്ലോമ

തിരുവനന്തപുരത്തെ നാഷണല്‍ ഇന്‍സ്റ്റിറ്റ്യൂട്ട് ഓഫ് സ്പീച്ച് ആന്‍ഡ് ഹിയറിങ്ങില്‍ (നിഷ്) ഒരു വര്‍ഷത്തെ ഡിപ്ലോമ ഇന്‍ ഏര്‍ളി ചൈല്‍ഡ്ഹുഡ് സ്‌പെഷല്‍ എജ്യൂക്കേഷന്‍ (ഡി.ഇ.സി.എസ്.ഇ)(എച്ച്.ഐ) കോഴ്‌സിലേക്കുള്ള അപേക്ഷാ തിയതി ഓഗസ്റ്റ് 18വരെ നീട്ടി.

ശ്രവണ വൈകല്യമുള്ള വിദ്യാര്‍ഥികളുടെ പുനരധിവാസ കേന്ദ്രങ്ങളില്‍ പരിശീലനം നല്‍കുന്നതിനുള്ള അധ്യാപകരെ വാര്‍ത്തെടുക്കുന്നതിനാണ് ഈ കോഴ്‌സ്. റീഹാബിലിറ്റേഷന്‍ കൗണ്‍സില്‍ ഓഫ് ഇന്ത്യയുടെ അംഗീകാരത്തോടെ നടത്തുന്ന കോഴ്‌സിലേക്ക് ഡിഗ്രി പാസായവര്‍ക്കാണ് അപേക്ഷിക്കാവുന്നത്.

അപേക്ഷിക്കുന്നതില്‍ കേള്‍വിക്കുറവുള്ള കുട്ടികളുടെ മാതാപിതാക്കള്‍, സഹോദരങ്ങള്‍ എന്നിവര്‍ക്കു മുന്‍ഗണന ലഭിക്കും. എന്നാല്‍, ആര്‍.സി.ഐ അനുശാസിക്കുന്ന മിനിമം യോഗ്യത എല്ലാ അപേക്ഷകര്‍ക്കും ബാധകമാണ്.

പ്രവേശനം ലഭിക്കുന്നവര്‍ക്ക് ശ്രവണവൈകല്യമുള്ള ആറു വയസുവരെയുള്ള വിദ്യാര്‍ഥികളുടെ വിലയിരുത്തല്‍, കാര്യനിര്‍വഹണം, വിദ്യാഭ്യാസം, പുനരധിവാസം എന്നീ മേഖലകളില്‍ പരിശീലനം നല്‍കും.
താല്‍പര്യമുളളവര്‍ ഓഗസ്റ്റ് 18നകം admissions.nish.ac.in എന്ന വെബ്‌സൈറ്റിലൂടെ അപേക്ഷകള്‍ സമര്‍പ്പിക്കുക.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.