2018 November 18 Sunday
ജീവിച്ചതല്ല ജീവിതം, നാം ഓര്‍മയില്‍ വയ്ക്കുന്നതാണ്, പറഞ്ഞു കേള്‍പ്പിക്കാന്‍ വേണ്ടി നാം ഓര്‍മ്മയില്‍ വയ്ക്കുന്നതാണു ജീവിതം

നിര്‍മ്മല്‍ കൃഷ്ണ ചിട്ടിക്കമ്പനി ഉടമയുടെ വീട്ടിലെ കവര്‍ച്ച; അന്വേഷണം ഊര്‍ജ്ജിതം

പാറശാല: നൂറ് കണക്കിന് നിക്ഷേപകരെ കബളിപ്പിച്ച് കോടികളുടെ ചിട്ടി തട്ടിപ്പി ന്റെ പേരില്‍ കോടതി ഉത്തരവ് പ്രകാരം പൂട്ടി മുദ്ര വയ്ച്ചിരുന്ന നിര്‍മ്മല്‍ ചിട്ടി ഫണ്ട് ഉടമ നിര്‍മ്മലിന്റെയും സഹോദരിമാരുടെയും മത്തംപാലയിലെ വീട് കുത്തിത്തുറന്ന് കവര്‍ച്ച നടത്തിയ സംഭവത്തില്‍ തമിഴ്‌നാട് പൊലിസ് അന്വേഷണം ഊര്‍ജ്ജിതമാക്കി.
കഴിഞ്ഞ ചൊവ്വാഴ്ച രാത്രിയിലായിരുന്നു ധനകാര്യ സ്ഥാപനത്തോട് ചേര്‍ന്നുളള രണ്ട് വീടുകളില്‍ കവര്‍ച്ച നടന്നത്. നൂറ് കണക്കിന് നിക്ഷേപകരെ കബളിപ്പിച്ചതിന്റെ അടിസ്ഥാനത്തില്‍ കവര്‍ച്ച നടന്ന വീടുകള്‍ തമിഴ്‌നാട് സാമ്പത്തിക കുറ്റാന്വേഷണ വിഭാഗം കണ്ടു കെട്ടിയിരുന്നു. വീടുകളുടെ വാതില്‍ തകര്‍ത്ത് അകത്ത് കടന്ന മോഷ്ടാവ് വീട്ടു സാധനങ്ങളും വിലപ്പെട്ട രേഖകളും കടത്തിയതായിട്ടാണ് സൂചന. സംഭവത്തിന് പിന്നില്‍ നിര്‍മ്മലിന്റെ ബന്ധുക്കള്‍ക്ക് പങ്കുള്ളതായും നാട്ടുകാര്‍ക്കിടയില്‍ സംശയമുണ്ട്.
എന്നാല്‍ നിക്ഷേപ തട്ടിപ്പിന് ഇരയായവര്‍ക്ക് പണം തിരികെ ലഭിക്കുന്നതിനായി കോടതി രൂപീകരിച്ച സമിതിയുടെ പ്രവര്‍ത്തനം കഴിഞ്ഞ 30 ന് പ്രവര്‍ത്തനം ആരംഭിച്ചതായിട്ടാണ് അറിയാന്‍ കഴിഞ്ഞത്. കമ്മിറ്റിയുടെ പ്രവര്‍ത്തനത്തിന് വേണ്ടിയുള്ള ഓഫിസ് നിര്‍മ്മല്‍ കൃഷ്ണ ബാങ്ക് സ്ഥിതി ചെയ്തിരുന്ന കെട്ടിടത്തിലാവും പ്രവര്‍ത്തിക്കുക.
നിക്ഷേപകര്‍ക്ക് ഒക്‌ടോബര്‍ 30 വരെ ഈ ഓഫിസില്‍ പരാതി രജിസ്റ്റര്‍ ചെയ്യാന്‍ കഴിയും. തട്ടിപ്പ് നടത്തി പ്രതിപ്പട്ടികയില്‍ ഉള്ളവരുടെ സ്വത്ത് വിവരങ്ങള്‍ അറിയാവുന്നവര്‍ക്ക് ഈ ഓഫിസില്‍ എത്തി അധികൃതര്‍ക്ക് വിവരങ്ങള്‍ കൈമാറുന്നതിനും അവസരം ഒരുക്കിയിട്ടുണ്ട്. കോടതി രൂപീകരിച്ച സമിതിയുടെ പ്രവര്‍ത്തനം ആരംഭിച്ച വിവരം അറിഞ്ഞ് നിരവധി നിക്ഷേപകര്‍ ദിവസവും മത്തംപാലയിലുള്ള ഓഫിസില്‍ എത്തി ച്ചേരുന്നുണ്ട്. എന്നാല്‍ നിക്ഷേപം തിരികെ ലഭിക്കുന്ന തരത്തില്‍ കോടതി വിധി വന്ന സാഹചര്യത്തില്‍ പ്രക്ഷോഭ പരിപാടികള്‍ താല്‍ക്കാലികമായി നിര്‍ത്തി വയ്ക്കാന്‍ കര്‍മ്മ സമിതി തീരുമാനിച്ചു.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.