2019 May 22 Wednesday
നമ്മുടെ ഭാവിയുടെ സ്രഷ്ടാക്കള്‍ മറ്റാരുമല്ല; നമ്മള്‍ തന്നെയാണ്! -മഹാവീരന്‍

നിരോധനം ലംഘിച്ച് മത്സ്യബന്ധനം: ബോട്ട് പിടികൂടി

ഫറോക്ക്: നിരോധനം ലംഘിച്ചു ചെറുമത്സ്യം പിടിച്ചതിനു ലൈസന്‍സില്ലാത്ത ബോട്ട് കസ്റ്റഡിയിലെടുത്തു. ബേപ്പൂര്‍ സ്വദേശി പാലാട്ട്പറമ്പ് കെ.ടി ലത്തീഫിന്റെ ഉടമസ്ഥതയിലുള്ള ബ്ലൂലൈന്‍ എന്ന ബോട്ടാണ് ഇന്നലെ ഉച്ചയ്ക്ക് മറൈന്‍ എന്‍ഫോഴ്‌സ്‌മെന്റ് എസ്.ഐ സുജിത്തിന്റെ നേതൃത്വത്തിലുള്ള സംഘം പിടിച്ചെടുത്തത്.
നിരോധിച്ച ചെറുമത്സ്യം പിടിച്ചു വരുമ്പോഴാണ് ബോട്ട് കസ്റ്റഡിയിലെടുത്തത്. പരിശോധനയില്‍ ബോട്ടിനു ലൈസന്‍സുള്‍പ്പെടെയുള്ള രേഖകളില്ലെന്നു കണ്ടെത്തി.
മൂന്നു വര്‍ഷമായി ഈ ബോട്ട് നിയമവിരുദ്ധമായി മീന്‍പിടിത്തം നടത്തിവരികയായിരുന്നുവെന്നു മറൈന്‍ എന്‍ഫോഴ്‌സ്‌മെന്റ് പറഞ്ഞു.
ബോട്ടില്‍ 12 തൊഴിലാളികളാണുണ്ടായിരുന്നത്. പിടിച്ചെടുത്തവയില്‍ ഉപയോഗിക്കാവുന്ന മത്സ്യം ഹാര്‍ബറില്‍ 30,000 രൂപയ്ക്കു ലേലം ചെയ്തു. ചെറുമത്സ്യങ്ങള്‍ കടലില്‍ തള്ളി. ബോട്ട് ഫിഷറീസ് ഡെപ്പ്യൂട്ടി ഡയറക്ടര്‍ക്കു കൈമാറി. ഫിഷറീസ് ഡി.ഡി കേസെടുത്ത് പിഴ ചുമത്തും. അനധികൃത മത്സ്യബന്ധനത്തിനെതിരേ കടലിലും കരയിലും പരിശോധന ശക്തമായി തുടരുമെന്നു അധികൃതര്‍ അറിയിച്ചു.

 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.