2019 March 26 Tuesday
നീതി ലഭ്യമാക്കാനുള്ള എളുപ്പമാര്‍ഗം മറ്റുള്ളവര്‍ക്കു നീതി വാങ്ങിക്കൊടുക്കലാണ്. -മഹാത്മജി

നിരന്തരമായ ഇടപെടലുകള്‍ ഫലം കണ്ടു: ജോയ്‌സ് ജോര്‍ജ്ജ് എം.പി

 

ചെറുതോണി: മലയോര ജനത കാത്തു കാത്തിരുന്ന ചരിത്രപരമായ തീരുമാനമാണ് മന്ത്രിസഭാ യോഗത്തിലുണ്ടായതെന്ന് അഡ്വ: ജോയ്‌സ് ജോര്‍ജ്ജ് എം.പി പറഞ്ഞു.
മൂന്ന് മാസത്തോളമായി തിരുവനന്തപുരം കേന്ദ്രീകരിച്ച് നടത്തിയ നിരന്തരമായ ഇടപെടലുകള്‍ ഫലം കണ്ടത് ചാരിതാര്‍ത്ഥ്യജനകമാണെന്നും ഇടുക്കിയിലെ കര്‍ഷകര്‍ക്ക് വേണ്ടി മുഖ്യമന്ത്രിക്കും സര്‍ക്കാരിനും അഭിവാദ്യം അര്‍പ്പിക്കുന്നുവെന്നും എം.പി പറഞ്ഞു. വനത്തിനുള്ളില്‍ മാത്രമായി ഇ.എസ്.എ നിജപ്പെടുത്തി കാര്‍ഷിക തോട്ടം ജനവാസ കേന്ദ്രങ്ങളെ പൂര്‍ണ്ണമായും ഒഴിവാക്കിയെടുക്കുക എന്നതായിരുന്നു എക്കാലത്തേയും സുചിന്തിതമായ നിലപാട്. ഉമ്മന്‍ വി ഉമ്മന്‍ സമിതിയുടെ റിപ്പോര്‍ട്ടില്‍ പിഴവുകള്‍ ഉണ്ടായിരുന്നുവെന്ന് അന്നേ ചൂണ്ടിക്കാണിച്ചിരുന്നുവെങ്കിലും അംഗീകരിക്കാന്‍ അന്നത്തെ സര്‍ക്കാര്‍ തയ്യാറായിരുന്നില്ല.
ഉമ്മന്‍ കമ്മിറ്റിയുടെ റിപ്പോര്‍ട്ടില്‍ നിന്നും 1337.24 ചതുരശ്ര കിലോമീറ്റര്‍ ഭൂപ്രദേശത്തെ ഒഴിവാക്കിയെടുത്ത് കേരളത്തിലെ കര്‍ഷകരെ രക്ഷിക്കാന്‍ പിണറായി സര്‍ക്കാര്‍ ഇച്ഛാശക്തി പ്രകടിപ്പിച്ചത് ശ്ലാഘനീയമാണ്. മുന്‍ സര്‍ക്കാരിന്റെ കാലത്ത് 123 വില്ലേജുകളും വനമാണെന്ന് സ്ഥാപിച്ച് വനം വകുപ്പ് മാപ്പും ഭൂപടവും തയ്യാറാക്കിയിരുന്നത് കര്‍ഷകര്‍ മറന്നിട്ടില്ലെന്നും എം.പി പറഞ്ഞു.
പശ്ചിമഘട്ട സംരക്ഷണത്തിന്റെ മറവില്‍ കുടിയേറ്റ ജനതയെ സ്വന്തം ഭൂമിയില്‍ നിന്നും അന്യവത്ക്കരിക്കാന്‍ നടത്തിയ നീക്കങ്ങള്‍ക്കെതിരെ മലയോരത്താകെ ഉയര്‍ന്നു വന്ന ചെറുത്തു നില്പ്പിനും പ്രക്ഷോഭങ്ങള്‍ക്കും നേതൃത്വം നല്‍കിയ എല്ലാ കര്‍ഷക സംഘടനകള്‍ക്കും അഭിമാനിക്കാവുന്ന മുഹൂര്‍ത്തമാണിത്. ഇടുക്കിക്കാര്‍ക്കെതിരായ ആസൂത്രിത നീക്കങ്ങള്‍തിരിച്ചറിഞ്ഞ് പ്രതിരോധത്തിന്റെ ശബ്ദം മുഴക്കിയ ഓരോ കര്‍ഷകരുടേയും വിജയമാണിതെന്നും എം.പി കൂട്ടിച്ചേര്‍ത്തു.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.