2017 June 23 Friday
ജനം ഗ്രഹിക്കും തോതു നോക്കി വിദ്യപകരുക കുരുടന്റെ വടി പോലെ നിന്ദ്യമാക്കരുത്

നിയമസഭാ വജ്രജൂബിലി: സെമിനാര്‍ പരമ്പര ഉദ്ഘാടനം 18 ന്

 

തിരുവനന്തപുരം: കേരള നിയമസഭയുടെ വജ്രജൂബിലി ആഘോഷ പരിപാടികളുടെ ഭാഗമായി കേരളത്തിന്റെ സാമൂഹ്യ പരിവര്‍ത്തനത്തെ ആഴത്തില്‍ സ്വാധീനിച്ച നിയമ നിര്‍മാണങ്ങള്‍ സംബന്ധിച്ച് വിവിധ ജില്ലകളില്‍ നടക്കുന്ന സെമിനാര്‍ പരമ്പരയുടെ ഉദ്ഘാടനം ജനുവരി 18ന് നടക്കും. ഉച്ചയ്ക്ക് ശേഷം 2.30 ന് നിയമസഭാ സമുച്ചയത്തിലെ ആര്‍. ശങ്കരനാരായണന്‍ തമ്പി മെമ്പേഴ്‌സ് ലോഞ്ചില്‍ മുഖ്യമന്ത്രി പിണറായി വിജയന്‍ ഉദ്ഘാടനം നിര്‍വഹിക്കും. തുടര്‍ന്ന് കേരള നിയമസഭ നിയമനിര്‍മ്മാണത്തിന്റെ ആറ് പതിറ്റാണ്ടുകള്‍ എന്ന വിഷയത്തില്‍ പരമ്പരയിലെ ആദ്യ സെമിനാര്‍ സംഘടിപ്പിക്കും.
സെമിനാറില്‍ മന്ത്രി ജി.സുധാകരന്‍ വഷയം അവതരിപ്പിക്കും. മന്ത്രി ഇ ചന്ദ്രശേഖരന്‍, കേരള ഹൈക്കോടതി ജഡ്ജി ജസ്റ്റിസ് ബി കെമാല്‍ പാഷ, മുന്‍ സംസ്ഥാന പ്ലാനിങ് ബോര്‍ഡ് അംഗങ്ങളായ സി.പി .ജോണ്‍, ജി .വിജയരാഘവന്‍ എന്നിവര്‍ പങ്കെടുക്കും. സെമിനാറില്‍ മുന്‍ നിയമസഭാ സെക്രട്ടറിയും മുഖ്യമന്ത്രിയുടെ സ്‌പെഷ്യല്‍ പ്രൈവറ്റ് സെക്രട്ടറിയുമായ ഡോ. എന്‍.കെ ജയകുമാര്‍ മോഡറേറ്റര്‍ ആയിരിക്കും.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.