2020 July 14 Tuesday
കോവിഡിനെതിരെ പ്രതിരോധം ശക്തമാക്കി ബഹ്റൈന്‍; രാജ്യത്ത് പരീക്ഷണാടിസ്ഥാനത്തില്‍ ഇനി പ്ലാസ്മ ചികിത്സയും

നിത്യോപയോഗ സാധനങ്ങളുടെ വിലക്കയറ്റം; ഓണം, പെരുന്നാള്‍ ആഘോഷം ചെലവേറും

കുന്നുംകൈ: പലവ്യഞ്ജനങ്ങളടക്കമുള്ള നിത്യോപയോഗ സാധനങ്ങളുടെ വില കുതിക്കുന്നതുകാരണം സാധാരണക്കാരന്റെ കുടുംബ ബജറ്റിന്റെ താളം തെറ്റിക്കുന്നു.
മുന്‍ വര്‍ഷത്തെ അപേക്ഷിച്ച് സാധനങ്ങള്‍ക്ക് പത്തുമുതല്‍ 30 രൂപയുടെ വിലക്കയറ്റമാണ് ഉണ്ടായിട്ടുള്ളത്. അതിനാല്‍ ഇക്കുറി ഓണവും പെരുന്നാളും ആഘോഷിക്കുന്നവരുടെ നടുവൊടിയും. വിലക്കയറ്റം മൂലം 1300 മുതല്‍ 1500 രൂപയോളം വരെ മാസംതോറും അധിക ബാധ്യതയാണുണ്ടാകന്നത്.
 വിലക്കയറ്റം കടിഞ്ഞാണില്ലാതെ തുടരുമ്പോഴും അധികൃതരുടെ ഭാഗത്തുനിന്നും ശക്തമായ നടപടികള്‍ ഉണ്ടാകാത്തതാണ് ജനജീവിതം ദുരിതപൂര്‍ണമാകുന്നത്. പച്ചക്കറികളുടെ വില മാറ്റമില്ലാതെ തുടരുന്നുണ്ടെങ്കിലും പലവ്യഞ്ജനങ്ങളായ അരി, കടല, ഉഴുന്ന്, ചെറുപയര്‍, വന്‍പയര്‍, പരിപ്പ് തുടങ്ങിയിവ അവശ്യസാധനങ്ങളുടെയെല്ലാം വില മുന്നോട്ട് തന്നെയാണ്. ഓണം അടുക്കുമ്പോള്‍ പച്ചക്കറികളുടെ വില ഉയരാന്‍ സാധ്യതയുണ്ടെന്നാണ് വ്യാപാരികള്‍ പറയുന്നത്.
നേന്ത്രപ്പഴത്തിനും ചെറിയ പഴങ്ങള്‍ക്കും പൊള്ളുന്ന വിലയാണ്. റേഷന്‍  കടകളിലൂടെ അരിയുള്‍പ്പടെയുള്ള സാധനങ്ങള്‍ വിതരണം ചെയ്യുമെന്ന് പറയുമ്പോഴും സപ്ലൈകോ നിശ്ചയിക്കുന്ന അളവിലുള്ള സാധനങ്ങള്‍ സാധാരണക്കാരന് ലഭിക്കാത്തത് സ്ഥിതി കൂടുതല്‍ വഷളാക്കുന്നു.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.