2018 August 21 Tuesday
അവനവനാത്മ സുഖത്തിനാചരിക്കുന്നവ അപരനു സുഖത്തിനായ് വരേണം
ശ്രീനാരായണ ഗുരു

നാളെ വരെ ശക്തമായ മഴ

 

 

കോഴിക്കോട്: ഇന്നും നാളെയും ഒറ്റപ്പെട്ട ശക്തമായ മഴയ്ക്ക് സാധ്യത. ലക്ഷദ്വീപില്‍ ഇന്നു കനത്ത മഴ പെയ്യുമെന്നും സംസ്ഥാന കാലാവസ്ഥാ നിരീക്ഷണ കേന്ദ്രം മുന്നറിയിപ്പ് നല്‍കി. 24 മണിക്കൂറില്‍ ഏഴു മുതല്‍ 11 സെ.മീ വരെ മഴയുണ്ടാകും. ഇടിമിന്നലും കാറ്റും പ്രതീക്ഷിക്കാം. വൈകിട്ടും രാത്രിയുമാണ് മഴ പെയ്യാന്‍ സാധ്യത.
തെക്കന്‍ തമിഴ്‌നാട്ടില്‍ കേരള അതിര്‍ത്തിയോടു ചേര്‍ന്ന് ശക്തികുറഞ്ഞ ചക്രവാതച്ചുഴി രൂപപ്പെട്ടത് സംസ്ഥാനത്ത് മഴ സജീവമാകാന്‍ ഇടയാക്കുമെന്ന് സ്വകാര്യ കാലാവസ്ഥാ ഏജന്‍സിയും അറിയിച്ചു. സംസ്ഥാനത്ത് ഇന്നലെ ഏറ്റവും കൂടുതല്‍ മഴലഭിച്ചത് മലപ്പുറം അങ്ങാടിപ്പുറത്താണ്. 8.7 സെ.മീ. കോഴിക്കോട്ട് 5.1 , കൊയിലാണ്ടി 3, വടകര 3.2, പെരിന്തല്‍മണ്ണ 6, മഞ്ചേരി 6.7, കരിപ്പൂര്‍ 2, പൊന്നാനി 1, വൈക്കം 6, ചിറ്റൂര്‍ 4.6 സെ.മീ എന്നിങ്ങനെ മഴ ലഭിച്ചു.

 

 


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.