2019 August 21 Wednesday
തെറ്റു ചെയ്യുന്നവന്‍ മനുഷ്യനാണ്; അതിനെക്കുറിച്ചോര്‍ത്തു ദു:ഖിക്കുന്നവന്‍ മഹര്‍ഷിയാണ്; എന്നാല്‍ അതില്‍ അഭിമാനം കൊള്ളുന്നവന്‍ പിശാചാണ്.

നാട്ടിലേക്ക് പുറപ്പെട്ട പ്രവാസി വിമാനത്തില്‍ മരിച്ച നിലയില്‍

അഹമ്മദ് പാതിരിപ്പറ്റ

ദോഹ: നാട്ടിലേക്ക് പുറപ്പെട്ട പ്രവാസി വിമാനത്തില്‍ മരിച്ച നിലയില്‍. മലപ്പുറം പുലാമന്തോള്‍ ചെമ്മലശ്ശേരി ആലമ്പാറ പരേതനായ പൊതുവാച്ചോല ഹസന്റെ മകന്‍ മുഹമ്മദ് ഇഖ്ബാലാണ് (53) മരിച്ചത്. ഞായറാഴ്ച രാവിലെ ഹമദ് രാജ്യാന്തര വിമാനത്താവളത്തിലാണ് സംഭവം.

ഖത്തറില്‍നിന്ന് മസ്‌കത്ത് വഴി നാട്ടിലേക്ക് തിരിക്കാനായി ഒമാന്‍ എയര്‍വേസില്‍ കയറിയതായിരുന്നു. സീറ്റ് ബെല്‍റ്റ് ഇടാതിരുന്നത് ശ്രദ്ധയില്‍പെട്ട എയര്‍ ഹോസ്റ്റസ് വന്ന് വിളിച്ചപ്പോഴാണ് ഇയാള്‍ പ്രതികരിച്ചില്ല. സംശയം തോന്നി എയര്‍പോര്‍ട്ട് ഹോസ്പിറ്റലിലെത്തിച്ചു. അവിടെ നിന്ന് മരണം സ്ഥിരീകരിച്ചു. മൃതദേഹം വഖ്‌റ ഹമദ് ആശുപത്രി മോര്‍ച്ചറിയിലേക്ക് മാറ്റി.

28 വര്‍ഷമായി ഖത്തറിലെ കമ്പനിയില്‍ ട്രക്ക് ഡ്രൈവറായി ജോലി ചെയ്യുകയായിരുന്നു. രണ്ട് വര്‍ഷം മുമ്പാണ് നാട്ടില്‍ പോയത്. മരണകാരണം സ്ഥിരീകരിച്ച ശേഷം മൃതദേഹം നാട്ടിലേക്ക് കൊണ്ടുപോകുമെന്ന് ബന്ധപ്പെട്ടവര്‍ അറിയിച്ചു. മാതാവ്: പരേതയായ ആയിശ. ഭാര്യ: സുമയ്യ. മക്കള്‍: ഫൗസിയ, ഫസ്‌ല. മരുമകന്‍: മുഹമ്മദലി. സഹോദരങ്ങള്‍: യൂസുഫ്, സൈതലവി, നാസര്‍, ഖദീജ, ആയിശ, സുബൈദ, പരേതയായ കുഞ്ഞിപ്പാത്തുമ്മ.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

Latest News