2017 September 24 Sunday
പൂര്‍ണമായ ആര്‍ജവം ഉള്ള ഒരാളുടെ മറ്റു ദൗര്‍ബല്യങ്ങള്‍ പൊറുക്കാവുന്നതേയുള്ളൂ.
വാള്‍ട്ട് വിറ്റ്മാന്‍

ദേശീയ തുഴച്ചില്‍: കേരളത്തിന്റെ ആഷ്‌ലി മോള്‍ക്ക് സ്വര്‍ണം

ആലപ്പുഴ: ദേശീയ ഓപണ്‍ കാനോയിങ് ആന്‍ഡ് കയാക്കിങ് ജൂനിയര്‍ വിഭാഗത്തില്‍ കേരളത്തിന് സ്വര്‍ണം. കേരളത്തിന് വേണ്ടി ജൂനിയര്‍ വിഭാഗം 200 മീറ്റര്‍ വ്യക്തിഗത ഇനത്തില്‍ ആഷ്‌ലി മോളാണ് സ്വര്‍ണം നേടിയത്. കഴിഞ്ഞ ദിവസം ഈ ഇനത്തില്‍ കേരളത്തിന് ഒരോ വെള്ളിയും വെങ്കലവും ലഭിച്ചിരുന്നു. ജൂനിയര്‍ പെണ്‍കുട്ടികളുടെ സി ഫോര്‍ 200, 500 മീറ്ററുകളില്‍ കൃപ മറിയം, ജിസ്‌മോള്‍, ടിനു ആന്റണി, മിന്നു ജോമോന്‍ എന്നിവരടങ്ങിയ സഖ്യമാണ് വെളളി നേടിയത്. ഈ വിഭാഗത്തില്‍ ആണ്‍കുട്ടികളുടെ ടീം വെങ്കലം നേടി. ശ്രീകുട്ടന്‍, സഞ്ജു ആന്റണി, റോബിന്‍ തോമസ്, സച്ചിന്‍ ദേവ് എന്നിവരടങ്ങിയ ടീമാണ് വെങ്കലം ഉറപ്പിച്ചത്.

 


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.