2019 July 19 Friday
നിങ്ങളുടെ അമ്മയോട് സംസാരത്തില്‍ മൂര്‍ച്ചയുള്ള വാക്കുകള്‍ ഉപയോഗിക്കരുത്. നിങ്ങളെ സംസാരിക്കാന്‍ പഠിപ്പിച്ചത് ആ അമ്മയാണെന്ന് മറക്കരുത്.

ദേശാടനപക്ഷികളുടെ കേന്ദ്രമായി വള്ളിക്കുന്ന്

വള്ളിക്കുന്ന്: ദേശാടനപക്ഷികളുടെ കേന്ദ്രമായി വള്ളിക്കുന്ന് മാറുന്നു. പക്ഷി സമ്പത്തിലും സസ്യ വൈവിധ്യത്തിലും ഈ പ്രദേശം അനുഗ്രഹീതമാണ്. വള്ളിക്കുന്ന് പ്രദേശത്തിന്റെ അലങ്കാരവും ഇതുതന്നെയാണ്. വിദൂരദേശങ്ങളില്‍ നിന്നു പോലും കൂട്ടമായി എത്തുന്ന വിവിധയിനം ദേശാടന പക്ഷികളുടെ തീറ്റപ്പാടങ്ങളും പ്രജനന കേന്ദ്രങ്ങളും വള്ളിക്കുന്ന് പ്രദേശമാണ്. 

ഏതാണ്ട് 135 ലധികം ഇനം പക്ഷികള്‍ ഇവിടെയുള്ളതായി ബന്ധപ്പെട്ടവര്‍ സാക്ഷ്യപ്പെടുത്തുന്നു. ഇതില്‍ പലതും അപൂര്‍വ ദേശാടന പക്ഷികളും വംശനാശ ഭീഷണി നേരിടുന്നവയും, പ്രത്യേകസംരക്ഷണം അര്‍ഹിക്കുന്നവയുമാണ്.
പക്ഷി ശാസ്ത്രജ്ഞരായ ഡോ. സലീം അലി, പ്രൊ. നീല കണ്ഠന്‍ എന്നിവരുടെ കണ്ടെത്തലുകള്‍ക്ക് ശേഷം കേരളത്തില്‍ കണ്ടെത്തിയ 11 ഇനം ദേശാടന പക്ഷികളും വള്ളിക്കുന്നില്‍ നിന്നായിരുന്നുവെന്നതും പ്രദേശത്തിന്റെ പ്രാധാന്യം വര്‍ധിപ്പിക്കുന്നു. കടലുണ്ടി ആള, ചെറിയ കടല്‍കാക്ക, ചോരക്കായി, പച്ചക്കാലി, നീര്‍ക്കട, വാള്‍കൊക്കന്‍,പട്ട വാലന്‍ ഗോഡ് വിറ്റ്, വരവാലന്‍ ഗോഡ് വിറ്റ്, തിരക്കാട തുടങ്ങിയവ ദേശാടന പക്ഷികളില്‍ ചിലതാണ്.
കേരളത്തില്‍ കാണപ്പെടുന്ന 14 ഇനം കണ്ടല്‍ചെടികളില്‍ ഏഴ് എണ്ണവും ഇവിടം നിന്ന് കണ്ടെത്തിയതാണ്. ചുള്ളിക്കണ്ടല്‍, ഉപ്പട്ടി, കണ്ണാമ്പൊട്ടി, ചെറു കണ്ടല്‍, പ്രാന്തല്‍ കണ്ടല്‍, കുറ്റിക്കണ്ടല്‍, ഒതളം തുടങ്ങിയവ കണ്ടല്‍ക്കാടുകളില്‍ ചിലതാണ്.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.