2018 November 19 Monday
നല്ല സ്വഭാവം ആഴ്ചകൊണ്ടോ മാസം കൊണ്ടോ ഉണ്ടാകുന്നതല്ല. അത് ഓരോ ദിവസവും അല്‍പാല്‍പമായി രൂപപ്പെട്ട് വരുന്നതാണ്.

ദുരിതാശ്വാസ നിധി; 17 പഞ്ചായത്തുകള്‍ 2.08 കോടി രൂപ നല്‍കി

കൊല്ലം: ജില്ലയിലെ 17 ഗ്രാമപഞ്ചായത്തുകള്‍ തനത് ഫണ്ടില്‍ നിന്ന് മുഖ്യമന്ത്രിയുടെ ദുരിതാശ്വാസ നിധിയിലേക്ക് രണ്ട് കോടി എട്ടു ലക്ഷം രൂപ നല്‍കി.
കുലശേഖരപുരം പഞ്ചായത്താണ് ഏറ്റവുമധികം തുക നല്‍കിയത് 50 ലക്ഷം രൂപ. കൊറ്റങ്കര, തൃക്കോവില്‍വട്ടം, പിറവന്തൂര്‍ – 25 ലക്ഷം, കല്ലുവാതുക്കല്‍ – 15 ലക്ഷം, കുളക്കട, പന്മന, ശൂരനാട്, മയ്യനാട് – 10 ലക്ഷം, ചാത്തന്നൂര്‍, വെളിനല്ലൂര്‍, കടയ്ക്കല്‍, ഉമ്മന്നൂര്‍, പത്തനാപുരം – അഞ്ചു ലക്ഷം, പനയം, വിളക്കുടി, തെക്കുംഭാഗം – ഒരു ലക്ഷം എന്നിങ്ങനെയാണ് മറ്റു പഞ്ചായത്തുകള്‍ നല്‍കിയ തുക. ചാത്തന്നൂര്‍. ചിറക്കര, മയ്യനാട്, പത്തനാപുരം, വെളിനല്ലൂര്‍, കൊറ്റങ്കര, പൂതക്കുളം പഞ്ചായത്തുകളിലെ ജനപ്രതിനിധികളും ജീവനക്കാരും ഒരു മാസത്തെ ഓണറേറിയം, ശമ്പളം ദുരിതാശ്വാസ നിധിയിലേക്ക് നല്‍കും. മറ്റു പഞ്ചായത്തുകളില്‍ നിന്ന് ഇതേ മാതൃകയില്‍ തുക സമാഹരിക്കുന്നതിനായി ജനപ്രതിനിധികളുടെയും ജീവനക്കാരുടെയും യോഗം ചേരും.
കൊല്ലം പഞ്ചായത്ത് ഡെപ്യൂട്ടി ഡയരക്ടര്‍, അസിസ്റ്റന്റ് ഡയരക്ടര്‍ പെര്‍ഫോമന്‍സ് ഓഡിറ്റ് യൂനിറ്റ് ഓഫിസുകളിലെ എല്ലാ ജീവനക്കാരുടേയും ഒരു മാസത്തെ ശമ്പളം മുഖ്യമന്ത്രിയുടെ ദുരിതാശ്വാസ നിധിയിലേക്ക് സംഭാവന ചെയ്യുമെന്ന് പഞ്ചായത്ത് ഡെപ്യൂട്ടി ഡയരക്ടര്‍ എന്‍. മനുഭായി അറിയിച്ചു.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.