2020 July 12 Sunday
കോവിഡിനെതിരെ പ്രതിരോധം ശക്തമാക്കി ബഹ്റൈന്‍; രാജ്യത്ത് പരീക്ഷണാടിസ്ഥാനത്തില്‍ ഇനി പ്ലാസ്മ ചികിത്സയും

ദുബൈ-ബഹ്റൈന്‍ സര്‍വ്വീസ് എമിറേറ്റ്സ് എയര്‍ലൈന്‍സ് പുനരാരംഭിച്ചു

ഉബൈദുല്ല റഹ് മാനി

  • ആഴ്ചയിൽ 7 സർവീസുകൾ

മനാമ: ദുബൈയില്‍ നിന്നും ബഹ്റൈനിലേക്കും തിരിച്ചുമുള്ള വിമാനസർവീസുകൾ എമിറേറ്റ്സ് പുനരാരംഭിച്ചു. കോവിഡ് നിയന്ത്രണങ്ങളെ തുടര്‍ന്ന് നിര്‍ത്തി വെച്ച പ്രധാന സര്‍വ്വീസുകള്‍ കഴിഞ്ഞ ദിവസം മുതല്‍ ആരംഭിച്ചതിനെ തുടര്‍ന്നാണിത്.
ദുബൈ-ബഹ്റൈന്‍ സെക്ടറില്‍ ആഴ്ചയിൽ 7 സർവീസുകളാണ് ഉണ്ടാകുക. ഇകെ 839 വിമാനം ദുബായിൽ നിന്ന് വൈകിട്ട് 4.10നു പുറപ്പെട്ട് ബഹ്റൈൻ സമയം 4.30ന് എത്തിച്ചേരും. ഇകെ 840 വിമാനം വൈകിട്ട് 5.50ന് ബഹ്റൈനിൽ നിന്നു പുറപ്പെട്ട് 8ന് ദുബായിലെത്തും.
മിഡിലീസ്റ്റിലെ ഏറ്റവും വലിയ വിമാന കമ്പനിയായ എമിറേറ്റ്സ് തിരിച്ചെത്തിയ വാര്‍ത്ത അറിഞ്ഞതോടെ നിശ്ചലമായിരുന്ന ട്രാവല്‍സുകളും സജീവമായിട്ടുണ്ട്. ട്രാവൽ ഏജസികളിലും എമിറേറ്റ്സ് വെബ്സൈറ്റിലും ടിക്കറ്റ് ബുക്ക് ചെയ്യാവുന്നതാണ്. വെബ്സൈറ്റ് വിലാസം: www.emirates.com
ഗള്‍ഫ് രാജ്യങ്ങള്‍ക്കു പുറമെ, ലണ്ടൻ ഹീത്രോ, മാഞ്ചസ്റ്റർ, ഫ്രാങ്ക്ഫർട്ട്, പാരീസ്, മിലാൻ, മാഡ്രിഡ്, സൂറിച്ച്, വിയന്ന, ആംസ്റ്റർഡാം, ന്യൂയോർക്ക്, ചിക്കാഗോ, ടൊറന്റോ, സിയോൾ, കറാച്ചി എന്നിവിടങ്ങളിലേക്കും അടുത്തദിവസം മുതല്‍ സര്‍വ്വീസുകള്‍ നടക്കും. വൈകാതെ 30 നഗരങ്ങള്‍ ഉള്‍പ്പെടെ കൂടുതൽ സെക്ടറുകളിലേക്ക് സർവീസ് തുടങ്ങുമെന്നും എമിറേറ്റ്സ് അറിയിച്ചു.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.