2019 September 17 Tuesday
ദാരിദ്ര്യത്തെക്കുറിച്ച് ലജ്ജിക്കാനില്ല. അതില്‍ ലജ്ജതോന്നുന്നതാണ് ലജ്ജാകരം.

ദാര്‍ഫറില്‍ സുദാന്‍ രാസായുധങ്ങള്‍ ഉപയോഗിച്ചു

ഖാര്‍ത്തൂം: ദാര്‍ഫര്‍ മേഖലയില്‍ രാസായുധങ്ങള്‍ ഉപയോഗിച്ച് സുദാന്‍ മുപ്പതിലേറെ തവണ ആക്രമണം നടത്തിയതായി റിപ്പോര്‍ട്ട്. കഴിഞ്ഞ ദിവസം ആംനെസ്റ്റി ഇന്റര്‍നാഷനല്‍ പുറത്തുവിട്ട റിപ്പോര്‍ട്ടിലാണു വിവരം.
ആക്രമണങ്ങളില്‍ കുട്ടികളും സ്ത്രീകളുമുള്‍പ്പെടേ 250ലേറെ പേരാണു കൊല്ലപ്പെട്ടത്. സാറ്റലൈറ്റ് ദൃശ്യങ്ങളെയും 200ലേറെ അഭിമുഖങ്ങളെയും ആധാരമാക്കിയാണ് ആംനെസ്റ്റി റിപ്പോര്‍ട്ട് തയാറാക്കിയത്. ഏറ്റവുമൊടുവിലായി ഈ മാസം ഒന്‍പതിനാണു മേഖലയില്‍ സൈന്യത്തിന്റെ ആക്രമണമുണ്ടായത്. എന്നാല്‍, റിപ്പോര്‍ട്ട് സുദാന്‍ സര്‍ക്കാര്‍ തള്ളിക്കളഞ്ഞു. തങ്ങളൊരിക്കലും രാസായുധങ്ങള്‍ ഉപയോഗിച്ചിട്ടില്ലെന്നും സുദാന്‍ സൈനികവൃത്തങ്ങള്‍ പറഞ്ഞു.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.