2020 July 10 Friday
കോവിഡിനെതിരെ പ്രതിരോധം ശക്തമാക്കി ബഹ്റൈന്‍; രാജ്യത്ത് പരീക്ഷണാടിസ്ഥാനത്തില്‍ ഇനി പ്ലാസ്മ ചികിത്സയും

ദാനം

കുഞ്ഞുമോള്‍ ബെന്നി

കടം വാങ്ങിയ പ്രാണനുമായി
പട്ടം കണക്കേ പായുന്നു നാം.
ആര്‍ക്കിരിപ്പൂ സമയം ബാക്കി
തെല്ലിടനേരം നിന്നൊരു
കളിവാക്കു മൊഴിയാന്‍..

കൂട്ടിവയ്ക്കുന്നു നാം പലതും
ഉറുമ്പിനെപ്പോല്‍-
വറുതിയില്‍ എടുത്തു ഭുജിപ്പാന്‍.
ഉറ കെട്ടുപോകുമീ ഉപ്പിനു
കാവലിരിക്കുന്നു കണ്ണിമ തെറ്റാതെ

അനുരാഗമന്ത്രങ്ങള്‍ മറന്നുപോകുമോ
മനുഷ്യന്‍ എന്നെങ്കിലും?
ഇണയുടെ കൂവലില്‍ തിരതല്ലുന്ന
രാഗവികാരം അറിയാതെപോകുമോ.. തോഴന്‍ ?

കൈവളകള്‍ ചാര്‍ത്തി കുണുങ്ങി
കാലം പടിയിറങ്ങുമ്പോഴും
ബാക്കി വയ്ക്കുന്നു ഞാനെന്നുള്ളിലൊരു
കൈതപ്പൂ മണമൂറും
തിരുവാതിരരാവ്

 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

Latest News