2019 December 07 Saturday
ഇന്ത്യയും സഊദിയും 2020 ലെ ഹജ്ജ് കരാർ ഒപ്പ് വെച്ചു

തൊഴിലാളികളുടെ വേതന നിരക്കില്‍ വര്‍ധനയുമായി ഡല്‍ഹി സര്‍ക്കാര്‍

കുറഞ്ഞ വേതന നിരക്കില്‍ 37 ശതമാനം വര്‍ധനവ്

കുറഞ്ഞ വേതന നിരക്കില്‍ 37 ശതമാനം വര്‍ധനവ്
ന്യൂഡല്‍ഹി: തൊഴിലാളികളുടെ വേതന നിരക്കില്‍ വന്‍ വര്‍ധന വരുത്തി ഡല്‍ഹി സര്‍ക്കാര്‍. ചരിത്രത്തിലെ ഏറ്റവും ഉയര്‍ന്ന വേതന വര്‍ധനവാണ് മുഖ്യമന്ത്രി അരവിന്ദ് കെജ്‌രിവാള്‍ ഇന്നലെ പ്രഖ്യാപിച്ചത്.
  തൊഴിലാളികളുടെ കുറഞ്ഞ വേതനിരക്കില്‍ 37 ശതമാനം വര്‍ധനവാണ് സര്‍ക്കാര്‍ വരുത്തിയത്.
ഡല്‍ഹിയിലെ മൂന്ന് മുനിസിപ്പല്‍ കോര്‍പറേഷനുകളിലേക്ക്  തെരഞ്ഞെടുപ്പ് നടക്കാനിരിക്കെയാണ് തൊഴിലാളികളുടെ വേതനത്തില്‍ ആം ആദ്മി പാര്‍ട്ടി സര്‍ക്കാര്‍ വര്‍ധനവരുത്തിയത്.
കഴിഞ്ഞ ഓഗസ്റ്റില്‍ 50 ശതമാനം വേതനവര്‍ധനവായിരുന്നു ശുപാര്‍ശ ചെയ്തിരുന്നത്.
എന്നാല്‍ അന്നത്തെ ലഫ്റ്റനന്റ് ഗവര്‍ണര്‍ നജീബ് ജെങ് അംഗീകാരം നല്‍കാന്‍ വിസമ്മതിച്ചു.
 ഇപ്പോള്‍ 37 ശതമാനം വര്‍ധന വരുത്താനുള്ള സര്‍ക്കാര്‍ തീരുമാനം ലഫ്റ്റനന്റ് ഗവര്‍ണര്‍ അനില്‍ ബൈജല്‍ അംഗീകരിച്ചതോടെ തൊഴില്‍മേഖലയില്‍ വന്‍ചലനമാണ് അടുത്ത ദിവസങ്ങളിലായി ഉണ്ടാവുക.
കെജ്‌രിവാള്‍ സര്‍ക്കാര്‍ ജനങ്ങളെ പ്രീതിപ്പെടുത്താന്‍ നടപ്പാക്കിയ പ്രഖ്യാപനങ്ങളില്‍ മൂന്നാമത്തേതാണ് ഇത്. താല്‍കാലിക അധ്യാപകരുടെ ശമ്പളം 70 മുതല്‍ 80 ശതമാനം വരെ വര്‍ധിപ്പിച്ച് ഉപമുഖ്യമന്ത്രി മനീഷ് സിസോദിയ അടുത്തിടെ പ്രഖ്യാപനം നടത്തിയിരുന്നു.
സര്‍ക്കാര്‍ ആശുപത്രികളില്‍ തിരക്ക് കൂടുതലാണെങ്കില്‍ ചികിത്സക്ക് സ്വകാര്യ ആശുപത്രികളെ സമീപിക്കാമെന്നും അതിന്റെ ചെലവ് സര്‍ക്കാര്‍ വഹിക്കുമെന്നും മുഖ്യമന്ത്രി അറിയിച്ചിരുന്നു.
ഇതിനു തൊട്ടുപിറകെയാണ് സ്വതന്ത്ര ഇന്ത്യന്‍ ചരിത്രത്തിലെ ഏറ്റവും വലിയ വേതനവര്‍ധനവുമായി ഡല്‍ഹി സര്‍ക്കാര്‍ രംഗത്തെത്തിയത്.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.