2019 December 10 Tuesday
ജി സി സി ഉച്ചകോടി ഇന്ന് റിയാദിൽ: ഖത്തർ അമീർ പങ്കെടുക്കുമോയെന്നു ഉറ്റു നോക്കി അറബ് ലോകം

തെരുവുനായക്ക് വോട്ട് ചെയ്യുന്നവരോട്

ഉബൈദ് ആക്കാടന്‍

കേരളത്തില്‍ കുറച്ചു ദിവസങ്ങളായി ചര്‍ച്ച ചെയ്തുകൊണ്ടിരിക്കുന്നത് നായ്ക്കളെക്കുറിച്ചാണ് വീട്ടമ്മയെ അന്‍പതോളം വരുന്ന നായ്ക്കള്‍ ഒരുമിച്ച് ആക്രമിച്ച് ദാരുണമായി കൊലപ്പെടുത്തിയ ഞെട്ടിക്കുന്ന വാര്‍ത്തകേട്ട് ഉണര്‍ന്ന നാം തൊട്ടടുത്ത ദിവസം കാണുന്നത് കീഴ്ചുണ്ട് കടിച്ച് മുറിക്കപ്പെട്ട പിഞ്ചുബാലനെയാണ്. നാടുനീളെ തെരുവുനായ്ക്കള്‍ അഴിഞ്ഞാടുമ്പോള്‍ സര്‍ക്കാറിനു തീരുമാനമെടുക്കേണ്ടിവന്നു ഉപദ്രവകാരികളെ കൊല്ലാമെന്ന്. പക്ഷേ, മേനകാഗാന്ധിയും കേന്ദ്രമൃഗസംരക്ഷണ വിഭാഗവും തെരുവു നായ്ക്കള്‍ക്ക് വോട്ടുചെയ്യുന്നു. മനുഷ്യന് പട്ടിയുടെ വിലപോലുമില്ലെന്നതും പട്ടി ബിസ്‌ക്കറ്റെങ്കിലും കിട്ടിയിരുന്നെങ്കില്‍ എന്നൊക്കെയുളള പ്രയോഗങ്ങള്‍ എത്രശരി..? മനുഷ്യന്റെ ജീവനും സ്വത്തിനും സംരക്ഷണം നല്‍കുക എന്ന ഭരണകൂടത്തിന്റെ മര്‍മപ്രധാനമായ ലക്ഷ്യത്തെ അപഹസിക്കുകയാണ് തെരുവുനായ സ്‌നേഹികള്‍. പുലിയും കടുവയും കാട്ടാനയും അവസാനം നായയും ഭീക്ഷണികളാകുമ്പോള്‍ മനുഷ്യജീവനുകള്‍ സംരക്ഷിക്കാന്‍ ആവശ്യമായ നടപടികള്‍ വേണം. പഞ്ചായത്തുകള്‍ കേന്ദ്രീകരിച്ച് പ്രത്യേക സ്‌ക്വാഡുകള്‍ രൂപീകരിച്ച് പ്രവര്‍ത്തിക്കണം. നേരം പുലര്‍ന്നാല്‍ കലാലയങ്ങളിലേക്ക് പോകുന്ന വിദ്യാര്‍ഥികള്‍ വരെ ഭീക്ഷണിയുടെ മുള്‍മുനയിലാണ് .രക്ഷിതാക്കള്‍ ആശങ്കയിലുമാണ്.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.