2017 December 08 Friday
വിയര്‍പ്പ് വറ്റുന്നതിനു മുമ്പ് തൊഴിലാളിക്ക് അവന്റെ കൂലി കൊടുക്കുക
മുഹമ്മദ് നബി(സ)

തുള്ളല്‍ കലാകാരന് നിര്‍മാണതൊഴില്‍ ജീവിതം

നെന്മാറ: തുള്ളല്‍ പഠനം പൂര്‍ത്തീകരിച്ച കലാകാരനായ പ്രശാന്തിപ്പോള്‍ ജീവിക്കാന്‍ നിര്‍മാണ തൊഴിലാളിയുടെ വേഷംകെട്ടുകയാണ്. ലക്കിടി രാമചന്ദ്രന്റെ മകന്‍ പ്രശാന്ത് 94-95 കാലത്തു ലക്കിടി കുഞ്ചന്‍ സ്മാരകത്തില്‍ ചേര്‍ന്ന് തുള്ളല്‍ പഠനം പൂര്‍ത്തീകരിച്ചു. കുറേക്കാലം തുള്ളല്‍ വേഷങ്ങള്‍ക്ക് കച്ചയൊരുക്കാനും തുള്ളല്‍ പാട്ടുപാടാനുമായി പോയെങ്കിലും ഈ കലകൊണ്ട് ജീവിതത്തിന്റെ ഇരുകരകളും മുട്ടിക്കാന്‍ പെടാപാടുപെട്ടപ്പോഴാണ് 34 കാരനായ പ്രശാന്ത് നിര്‍മാണ തൊഴിലേക്കിറങ്ങിയത്. നിര്‍മാണതൊഴില്‍ ചെയ്തു ജീവിക്കുമ്പോഴും ഈ കലാകാരന്‍ തുള്ളലിനെ പൂര്‍ണമായും കൈയൊഴിയാന്‍ തയാറായിട്ടില്ല. ഇപ്പോള്‍ യുവജനോത്സവങ്ങള്‍ക്കും, മറ്റു ക്ഷേത്രോത്സവങ്ങള്‍ക്കും പാട്ടുപാടാനും പോവാറുണ്ട്. കഴിഞ്ഞ 20 വര്‍ഷമായി ജില്ല, സംസ്ഥാന കലോത്സവങ്ങള്‍ക്കു പ്രശാന്ത് പോവാറുണ്ട്. തന്നോടൊപ്പം പഠിച്ച ലക്കിടിയിലെ തുള്ളല്‍ കലാകാരന്‍ രാജേഷ് ലക്കിടിയോടൊപ്പം ശീതങ്കന്‍ തുള്ളലും, ഓട്ടന്‍തുള്ളലും അഭ്യസിക്കുന്നവര്‍ക്ക് തണലായി പ്രശാന്തുമുണ്ട്.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.