2018 November 18 Sunday
ജീവിച്ചതല്ല ജീവിതം, നാം ഓര്‍മയില്‍ വയ്ക്കുന്നതാണ്, പറഞ്ഞു കേള്‍പ്പിക്കാന്‍ വേണ്ടി നാം ഓര്‍മ്മയില്‍ വയ്ക്കുന്നതാണു ജീവിതം

ഡി.ആര്‍.ഡി.ഒയില്‍ ജൂനിയര്‍ റിസര്‍ച്ച് ഫെലോ

എഴുത്തുപരീക്ഷയും ഇന്റര്‍വ്യൂവും വഴിയാണ് തെരഞ്ഞെടുപ്പ്. 20നു രാവിലെ 9.30നാണ് ഇന്റര്‍വ്യൂ.

കേന്ദ്ര ആഭ്യന്തര മന്ത്രാലയത്തിനു കീഴില്‍ ചെന്നൈയില്‍ പ്രവര്‍ത്തിക്കുന്ന പ്രതിരോധ ഗവേഷണ വിഭാഗ (ഡി.ആര്‍.ഡി.ഒ) ത്തില്‍ ജൂനിയര്‍ റിസര്‍ച്ച് ഫെലോകളുടെ ഒഴിവിലേക്ക് അപേക്ഷ ക്ഷണിച്ചു. മെക്കാനിക്കല്‍ എന്‍ജിനിയറിങ്ങില്‍ 10, ഇലക്ട്രിക്കല്‍ ആന്‍ഡ് ഇലക്ട്രോണിക്‌സ് എന്‍ജിനിയറിങ്ങില്‍ അഞ്ച്, കംപ്യൂട്ടര്‍ സയന്‍സ് എന്‍ജിനിയറിങ്ങില്‍ രണ്ട് എന്നിങ്ങനെ ആകെ 17 ഒഴിവുകളാണുള്ളത്.
എഴുത്തുപരീക്ഷയും ഇന്റര്‍വ്യൂവും വഴിയാണ് തെരഞ്ഞെടുപ്പ്. 20നു രാവിലെ 9.30നാണ് ഇന്റര്‍വ്യൂ. ംംം.ൃമര.ഴീ്.ശി എന്ന വെബ്‌സൈറ്റിലൂടെ ഓണ്‍ലൈനായാണ് അപേക്ഷ സമര്‍പ്പിക്കേണ്ടത്. അപേക്ഷയുടെ പ്രിന്റൗട്ട് കൈയില്‍ സൂക്ഷിക്കണം. ഗേറ്റ് പരീക്ഷ പാസായി ബി.ഇ അല്ലെങ്കില്‍ ബി.ടെക് ഒന്നാം ഡിവിഷനില്‍ ജയിച്ചവരോ അല്ലെങ്കില്‍ എം.ഇ, എം.ടെക് യോഗ്യതയുള്ള ബിരുദ, ബിരുദാനന്തര പരീക്ഷകളില്‍ ഒന്നാം ക്ലാസോടെ പാസായവരോ ആകണം. ഇന്റര്‍വ്യൂ തിയതിക്കു മുന്‍പു 28 വയസ് കവിയരുത്. ഉയര്‍ന്ന പ്രായപരിധിയില്‍ എസ്.സി, എസ്.ടി വിഭാഗങ്ങള്‍ക്ക് അഞ്ചും ഒ.ബി.സിക്ക് മൂന്നും വര്‍ഷം ഇളവ് ലഭിക്കും.മറ്റു വിഭാഗങ്ങളിലും ഏഴ് ഒഴിവുകളുണ്ട്. റിസര്‍ച്ച് അസോസിയേറ്റ് ഒന്ന്, ജൂനിയര്‍ റിസര്‍ച്ച് ഫെലോ ആറ് എന്നിങ്ങനെയാണ് ഒഴിവുകള്‍. കൂടുതല്‍ വിവരങ്ങള്‍ക്ക് വെബ്‌സൈറ്റ് സന്ദര്‍ശിക്കുക.അപേക്ഷ സമര്‍പ്പിക്കാവുന്ന അവസാന തിയതി: ഓഗസ്റ്റ് 12.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.