2018 November 21 Wednesday
വിഡ്ഢികള്‍ പാതിനിറഞ്ഞ പാത്രം പോലെ എപ്പോഴും ഒച്ചയിടുന്നു. ബുദ്ധിമാന്‍മാര്‍ തടാകംപോലെ ശാന്തരാകുന്നു

ടെസ്റ്റ് തോല്‍വി; ശനിദശമാറാതെ ഇന്ത്യ

സതാംപ്ടണ്‍: ഇംഗ്ലണ്ടുമായുള്ള നാലാം ടെസ്റ്റിലും പരാജയപ്പെടേണ്ടി വന്ന ഇന്ത്യയുടെ ശനിദശമാറുന്നില്ല. അഞ്ച് ടെസ്റ്റുകളില്‍ ഒന്നില്‍ മാത്രമാണ് ഇന്ത്യക്ക് ജയിക്കാനായത്. ബാക്കി മൂന്നിലും ദയനീയമായിട്ടായിരുന്നു ഇന്ത്യ പരാജയപ്പെട്ടത്. ഒന്നാം ടെസ്റ്റില്‍ 31 റണ്‍സിനായിരുന്നു ഇന്ത്യയുടെ പരാജയം. രണ്ടാം ടെസ്റ്റില്‍ ജയിക്കാമായിരുന്നെങ്കിലും ബൗളിങ് നിരയുടെ മോശം ഫോം കാരണം 159 റണ്‍സിനായിരുന്നു ഇന്ത്യയുടെ തോല്‍വി. ബാറ്റിങ് നിരയും ബൗളിങ് നിരയും മികച്ച പ്രകടനം നടത്തി മൂന്നാം ടെസ്റ്റില്‍ ഇന്ത്യക്ക് ജയിക്കാനായി.
203 റണ്‍സിനായിരുന്നു ഇന്ത്യന്‍ ജയം. കളിയില്‍ ഇന്ത്യക്ക് മാനസിക മുന്‍തൂക്കം കിട്ടിയെങ്കിലും കളിമാത്രം തിരിച്ചുപിടിക്കാനായില്ല. നാലാം ടെസ്റ്റ് ഇന്ത്യയുടെ വരുതിയിലായിരുന്നെങ്കിലും ബാറ്റിങ് നിരയുടെ തകര്‍ച്ചയെ തുടര്‍ന്നായിരുന്നു ഇന്ത്യയുടെ പരാജയം. 60 റണ്‍സിനായിരുന്നു സതാംപ്ടണ്‍ ടെസ്റ്റില്‍ ഇന്ത്യ പരാജയപ്പെട്ടത്. അഞ്ചാം ടെസ്റ്റില്‍ ഇന്ത്യന്‍ ബൗളര്‍മാര്‍ മികച്ച പ്രകടനം നടത്തി ഇംഗ്ലണ്ട് ബാറ്റിങ് നിരയുടെ കടപുഴക്കിയെങ്കിലും ബാറ്റിങ് നിരക്ക് സാഹചര്യത്തിനൊത്ത് ഉയര്‍ത്താനാവാത്തത് കാരണമായിരുന്നു നാലാം ടെസ്റ്റിലും ഇന്ത്യക്ക് അടിയറവ് പറയേണ്ടി വന്നത്.
വിദേശ പിച്ചുകളില്‍ ഇന്ത്യന്‍ ബാറ്റിങ് നിരക്ക് കൂടുതല്‍ റണ്‍സെടുക്കാന്‍ കഴിയുന്നില്ലെന്ന ആക്ഷേപം നിലനില്‍ക്കെയായിരുന്നു നാലാം ടെസ്റ്റിലെ തോല്‍വി. ഓപ്പണിങ് കൂട്ടുകെട്ട് തന്നെ നേരത്തെ തകരുന്നത് കാരണമാണ് പലപ്പോഴും ബാറ്റിങ് നിര പരാജയമാകുന്നത്. ഇന്ത്യന്‍ ഓപ്പണിങ് നിര 100 റണ്‍സിന്റെ കൂട്ട്‌കെട്ട് നടത്തിയത് രണ്ട് വര്‍ഷങ്ങള്‍ക്ക് മുമ്പായിരുന്നു. ഇംഗ്ലണ്ട് പര്യടനത്തില്‍ ഇന്ത്യക്ക് എടുത്ത് പറയാന്‍ പറ്റുന്ന ബാറ്റ്‌സ്മാന്‍മാരൊന്നുമില്ല. ഇന്ത്യന്‍ പിച്ചുകളില്‍ മികച്ച പ്രകടനം നടത്തുന്നവര്‍ വിദേശ പിച്ചുകളിലേക്കെത്തിയാല്‍ കളി മറക്കുന്നതാണ് ഇപ്പോഴത്തെ അവസ്ഥ. ഇതിന് മാറ്റമുണ്ടായാല്‍ മാത്രമേ ഇനി എന്തെങ്കിലും ഇന്ത്യക്ക് ചെയ്യാനാകൂ. കഴിഞ്ഞ ദിവസം ക്യാപ്റ്റന്‍ വിരാട് കോഹ്‌ലി ഇതു തന്നെയായിരുന്നു പറഞ്ഞത്. എല്ലാവര്‍ക്കും മികച്ച പ്രകടനം പുറത്തെടുക്കാന്‍ കഴിയുന്നുണ്ടെങ്കിലും പ്രതിസന്ധിയെ തരണം ചെയ്യാനുള്ള മനസ് ആര്‍ക്കുമില്ലെന്നാണ് കോഹ്‌ലി പറഞ്ഞത്.
അതേ സമയം അഞ്ചാം ഏകദിനത്തിനുള്ള ഇംഗ്ലണ്ടിന്റെ 13 അംഗ ടീമിനെ പ്രഖ്യാപിച്ചു. നാലാം ടെസ്റ്റില്‍ ടീമിലെത്തിയ ജെയിംസ് വിന്‍സിനെ ഇംഗ്ലണ്ടണ്ട് സ്‌ക്വാഡില്‍ നിന്ന് ഒഴിവാക്കി. കുക്ക് തന്റെ അവസാന ടെസ്റ്റിലും ഓപ്പണറായി തന്നെയുണ്ടണ്ടാകുമെന്നുള്ള സൂചനയാണ് ഉള്ളത്. വെള്ളിയാഴ്ച ഓവലിലാണ് അവസാന ടെസ്റ്റ് അരങ്ങേറുന്നത്.

 


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

Latest News