2019 June 24 Monday
ഭരിച്ചതുകൊണ്ടായില്ല ഭരണം ഉണ്ടെന്നു ജനങ്ങള്‍ക്ക് ബോധ്യപ്പെടുമ്പോഴേ ഏതൊരു ഗവണ്‍മെന്റും അര്‍ഥവത്താകുന്നുള്ളൂ -കാറല്‍ മാക്‌സ്‌

ടാപ്പിങ് നടത്താനാവാതെ റബര്‍ കര്‍ഷകര്‍

തൊടുപുഴ: സാധാരണ ജൂണ്‍മാസം മുതലാണ് റബറിന് നല്ല വിളവുകിട്ടുന്നത്. എന്നാല്‍ ഈവര്‍ഷം മുന്‍ വര്‍ഷങ്ങളെ അപേക്ഷിച്ച് മഴ ഇടതടവില്ലാതെ പെയ്തതാണ് കര്‍ഷകര്‍ക്ക് വിനയായത്.ഏപ്രില്‍ മുതലാണ് ടാപ്പിങ് ആരംഭിക്കുന്നത്. എന്നാല്‍ ഏപ്രില്‍, മേയ് മാസങ്ങളിലെ വരള്‍ച്ചകാരണം ഉത്പാദനം കുറയാറുണ്ട്.
അപ്പോഴെല്ലാം റബര്‍ കര്‍ഷകരുടെ പ്രതീക്ഷ ജൂണ്‍, ജൂലൈ, ഓഗസ്റ്റ് മാസങ്ങളാണ്. റബ്ബര്‍ മരങ്ങളില്‍ റെയിന്‍ ഗാര്‍ഡുകള്‍ വെച്ചശേഷമാണ് മഴക്കാലത്ത് ടാപ്പിങ് നടക്കാറ്. ഈ വര്‍ഷവും റെയിന്‍ ഗാര്‍ഡുകള്‍ വെച്ചിരുന്നെങ്കിലും കനത്ത മഴകാരണം ടാപ്പിങ് നടന്നില്ല. 2000 ഹെക്ടര്‍ റബ്ബര്‍ തോട്ടമാണ് ഇടുക്കി ജില്ലയിലുള്ളത്. ഇതില്‍ 250 ഹെക്ടറോളം റബ്ബര്‍തോട്ടം ദിവസങ്ങളോളം വെള്ളത്തിനടിയിലായി. ഇതുകാരണം ഉത്പാദനത്തില്‍ 50 ശതമാനത്തിന് മുകളില്‍ നഷ്ടം ഉണ്ടായതായാണ് പ്രാഥമിക കണക്ക്.
മഴകാരണം റബ്ബര്‍ മരങ്ങള്‍ക്ക് ഉണ്ടായ ഇലകൊഴിച്ചിലും ചീയലുമാണ് കര്‍ഷകര്‍ നേരിടുന്ന മറ്റൊരുപ്രശ്‌നം. ദിവസങ്ങളോളം തോട്ടങ്ങളില്‍ വെള്ളം കെട്ടിനിന്നതാണ് റബ്ബറിന്റെ ഇല കൊഴിയാനും തടിക്ക് ചീയല്‍ ഉണ്ടാവാനും കാരണമെന്ന് കര്‍ഷകര്‍ പറയുന്നു. ജില്ലയിലെ 85 ശതമാനം തോട്ടങ്ങളിലും ഇലകൊഴിച്ചില്‍ ബാധിച്ചിട്ടുണ്ട്.

 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.