2019 August 21 Wednesday
തെറ്റു ചെയ്യുന്നവന്‍ മനുഷ്യനാണ്; അതിനെക്കുറിച്ചോര്‍ത്തു ദു:ഖിക്കുന്നവന്‍ മഹര്‍ഷിയാണ്; എന്നാല്‍ അതില്‍ അഭിമാനം കൊള്ളുന്നവന്‍ പിശാചാണ്.

ജിഷ വധം; യഥാര്‍ഥ കുറ്റവാളികളെ നിയമത്തിനുമുന്‍പില്‍ കൊണ്ടുവരണം

സാലിഹ്, വാഴക്കാട്

സമൂഹ മനസാക്ഷിയെഞെട്ടിച്ച ജിഷവധക്കേസിലെ പ്രതിക്ക് പരമാവധി ശിക്ഷ നല്‍കാന്‍ ഭരണകൂടം തയാറാകണം. ഗോവിന്ദ ചാമിക്ക് ലഭിച്ചതുപോലെ ജയിലില്‍ സുഖവാസം അനുഭവിക്കാനുള്ള അവസരം ഉണ്ടാവാന്‍ പാടില്ല. എന്നാല്‍ ഇപ്പോള്‍ അറസ്റ്റിലായ അമീറുല്‍ ഇസ്‌ലാം തന്നെയാണ് പ്രതി എന്ന് ഉറപ്പുവരുത്തേണ്ടതുണ്ട്. ഇപ്പോഴും പുറത്തുവന്നുകൊണ്ടിരിക്കുന്ന വാര്‍ത്തകളില്‍ തന്നെ അവ്യക്തത നിലനില്‍ക്കുന്നുണ്ട്. അതുപോലെ ഒരാളെ അറസ്റ്റ്‌ചെയ്തു എന്നതുകൊണ്ട് മാത്രം ഒരാള്‍ പ്രതിയാകുന്നില്ല എന്നത് സമൂഹം മനസ്സിലാക്കേണ്ടതുമുണ്ട്. 

സാമൂഹിക മാധ്യമങ്ങളില്‍ വലിയതോതില്‍ പ്രചാരണം നടക്കുന്നുണ്ട് പ്രതിക്ക് ജനകീയ വിധി നടപ്പിലാക്കണമെന്ന്. എന്നാല്‍ ഈ തരത്തില്‍ പ്രചാരണം നടത്തുന്ന ആളുകള്‍ മനസ്സിലാക്കേണ്ടതുണ്ട്. കുറ്റം ചെയ്തത് അമീറുല്‍ ഇസ്‌ലാം തന്നെയാണ് എന്ന് തെളിഞ്ഞാലും പ്രതിക്ക് ശിക്ഷവിധിക്കേണ്ടത് സമൂഹമല്ല. മറിച്ച് കോടതികളാണ്. എന്നാല്‍ നമ്മുടെ നാട്ടിലെ പ്രശ്‌നം നിയമ വിധികള്‍ വരാന്‍ കാലതാമസം വരുന്നു എന്നുള്ളതാണ് അതിനുള്ള പരിഹാരം കാണേണ്ടത് ഭരണകൂടമാണ്. അതിനാല്‍ ജിഷ വധക്കേസിലെ യഥാര്‍ഥ പ്രതിയെപിടികൂടാനും കേസില്‍ മറ്റാരെങ്കിലും ഉള്‍പ്പെട്ടിട്ടുണ്ട് എങ്കില്‍ അവരെയും നിയമത്തിന് മുന്നില്‍ കൊണ്ടുവരാനും നമ്മുടെ പൊലിസിനു സാധിക്കട്ടെ.

 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.