2020 May 31 Sunday
കോവിഡിനെതിരെ പ്രതിരോധം ശക്തമാക്കി ബഹ്റൈന്‍; രാജ്യത്ത് പരീക്ഷണാടിസ്ഥാനത്തില്‍ ഇനി പ്ലാസ്മ ചികിത്സയും

ജില്ലയുടെ പുനര്‍ നിര്‍മാണം: മുന്നൊരുക്കങ്ങള്‍ ആരംഭിച്ചു

തൊടുപുഴ: പ്രകൃതിക്ഷോഭത്തിനുശേഷമുള്ള ജില്ലയുടെ പുനര്‍നിര്‍മാണത്തിനുള്ള മുന്നൊരുക്കങ്ങള്‍ ആരംഭിച്ചു.
ഇപ്പോഴും ദുരിതബാധിതരായിട്ടുള്ളവരുടെ പുനരധിവാസം, ജീവന ഉപാധി കണ്ടെത്തല്‍, പാര്‍പ്പിട നിര്‍മാണം, ദുരന്തബാധിതര്‍ക്കുള്ള കൗണ്‍സിലിങ്, ആരോഗ്യ രക്ഷ, ദുരിതാശ്വാസ നിധിയിലേക്കുള്ള ഫണ്ട് സമാഹരണം തുടങ്ങിയവ ഉള്‍പ്പെടുത്തി തയ്യാറാക്കുന്ന കര്‍മപദ്ധതിയില്‍ ഉള്‍പ്പെടുത്തേണ്ട വിശദാംശങ്ങള്‍ ജില്ലാകളക്ടര്‍ കെ.ജീവന്‍ബാബുവിന്റെ അധ്യക്ഷതയില്‍ വിവിധ വകുപ്പുതലവന്മാരുടെ യോഗം അവലോകനം ചെയ്തു. ജില്ലയില്‍ 2000 വീടുകളെങ്കിലും പുനര്‍നിര്‍മിക്കേണ്ടിവരുമെന്ന് ജില്ലാ കളക്ടര്‍ പറഞ്ഞു. ഉരുള്‍പൊട്ടിയ സ്ഥലത്ത് വീടിരുന്ന ഇടത്ത് പുതിയ വീടുകളുടെ നിര്‍മാണം ശാസ്ത്രീയ പഠനത്തിനുശേഷം മാത്രമേ അനുവദിക്കൂ. ജനങ്ങളുടെ സുരക്ഷയെ കരുതിയാണ് ഗവണ്‍മെന്റ് ഈ തീരുമാനം എടുത്തിരിക്കുന്നത്.
ജിയോളജിക്കല്‍ സര്‍വേ ഓഫ് ഇന്ത്യയുടെ നേതൃത്വത്തിലുള്ള പഠനം ഉടനെ ആരംഭിക്കും. ജില്ലയിലെ സാങ്കേതിക വകുപ്പുകളുടെ തലവന്മാര്‍ പുനര്‍നിര്‍മാണം സംബന്ധിച്ച വിശദമായ റിപ്പോര്‍ട്ട് ഉടനെ സമര്‍പ്പിക്കും.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.