2019 May 24 Friday
നമ്മുടെ ഭാവിയുടെ സ്രഷ്ടാക്കള്‍ മറ്റാരുമല്ല; നമ്മള്‍ തന്നെയാണ്! -മഹാവീരന്‍

ജിദ്ദയില്‍ ബിസിനസ് പ്രമുഖനെ കൊലപ്പെടുത്തി 11 മില്യണ്‍ റിയാല്‍ കവര്‍ന്ന സംഭവത്തില്‍ ഒരാള്‍ അറസ്റ്റില്‍

റിയാദ്: സഊദി വാണിജ്യ നഗരമായ ജിദ്ദയില്‍ ബിസിനസ് കോടീശ്വരനെ കൊലപ്പെടുത്തി വന്‍ കവര്‍ച്ച നടത്തിയ സംഭവത്തില്‍ ഒരാളെ സഊദി പൊലിസ് അറസ്റ്റു ചെയ്തു. കൊലക്ക് ശേഷം ബാങ്കില്‍ നിന്നും 11 മില്യണ്‍ റിയാലാണ് കവര്‍ന്നത്. അറസ്റ്റിലായ യെമന്‍ വംശജനെ ചോദ്യം ചെയ്തുവരികയാണ്.

ജിദ്ദ അബ്ഹൂറിലെ വസതിയിലാണ് വ്യവസായിയായ 57കാരന്‍ കൊല്ലപ്പെട്ടത്. കൈകാലുകള്‍ കയറുകൊണ്ട് ബന്ധിച്ച് വലിയ ബാഗിലാക്കിയ നിലയില്‍ മൃതദേഹം കണ്ടെത്തിയതിനെ തുടര്‍ന്ന് ഇയാളുടെ ഡ്രൈവറാണ് പൊലിസില്‍ വിവരമറിയിച്ചത്. കഴുത്തു ഞെരിച്ചതിന്റെ അടയാളം പൊലിസ് കണ്ടെത്തിയിട്ടുണ്ട്. പത്തു ദിവസം മുന്‍പ് അറബ് വംശജയായ രണ്ടാം ഭാര്യ സ്വന്തം നാട്ടിലേക്ക് പോയതിന് ശേഷം ഇയാള്‍ വീട്ടില്‍ തനിച്ചായിരുന്നു.കൊലപാതകത്തിന്റെ ചുരുളഴിക്കാന്‍ അന്വേഷണം ഊര്‍ജിതമാക്കിയിട്ടുണ്ടെന്നും കൂടുതല്‍ വിശദാംശങ്ങള്‍ ലഭിച്ചാല്‍ മക്കാ പ്രവിശ്യാ പൊലിസ് വക്താവ് ഇതുസംബന്ധിച്ച് പത്രപ്രസ്താവന ഇറക്കുമെന്നും സുരക്ഷാവിഭാഗം അറിയിച്ചു.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.