2019 August 24 Saturday
സുഹൃത്തുക്കളോടു നന്നായി പെരുമാറുക; അവര്‍ നിങ്ങളോടു കൂടുതല്‍ അടുക്കും. ശത്രുക്കളോടും നന്നായി പെരുമാറുക;അവരെ നേടാന്‍ നിങ്ങള്‍ക്കു കഴിയും.

ജസ്റ്റിസ് ജഗദീഷ് സിംഗ് ഖേഹര്‍ അടുത്ത സുപ്രിംകോടതി ചീഫ്ജസ്റ്റിസായി നിയമിതനാകും

ന്യൂഡല്‍ഹി: അഞ്ചംഗ ഭരണഘടനാ ബെഞ്ച് തലവന്‍ ജസ്റ്റിസ് ജഗദീഷ് സിംഗ് ഖേഹര്‍ അടുത്ത സുപ്രിംകോടതി ചീഫ്ജസ്റ്റസായി നിയമിതനാകും.

കൊളീജിയം രാഷ്ട്രപ്രതിയോട് ജഗദീശീനെ അടുത്ത ചീഫ്ജസ്റ്റിസായി നാമനിര്‍ദേശം ചെയ്തു.

രാഷ്ട്രപ്രതി പ്രണബ് മുഖര്‍ജി ഔദ്യോഗിക പ്രഖ്യാപനം വൈകാതെ തന്നെ നടത്തുമെന്ന് സര്‍ക്കാര്‍ വൃത്തങ്ങള്‍ അറിയിച്ചു.

സുപ്രിംകോടതിയുടെ നാല്‍പ്പത്തിനാലാമത്തെ ചീഫ് ജസ്റ്റിസായാണ് ജഗദീശ് സിംഗ് നിയമിതനാകുന്നത്.

ഇപ്പോഴത്തെ ചീഫ് ജസ്റ്റീസ് കഴിഞ്ഞ ദിവസം അദ്ദേഹത്തെ നിർദേശിച്ചിരുന്നു. 2017 ജനുവരി നാലിനാണ് ജഗദീശ് സത്യപ്രതിജ്ഞ ചെയ്ത് അധികാരമേല്‍ക്കുക.

സിഖ് സമുദായത്തില്‍ നിന്നുള്ള ആദ്യ ചീഫ്ജസ്റ്റിസാണ് 64 കാരനായ ജഗദീഷ് സിംഗ്.

നിലവിലെ ചീഫ്ജസ്റ്റിസിന്റെ കാലാവധി അടുത്ത വര്‍ഷം ജനുവരി മൂന്ന് വരെയാണ്.

ജനുവരി നാലിന് അധികാരമേല്‍ക്കുന്ന ജസ്റ്റിസ് ജഗദീഷിന്റെ കാലാവധി 2017 ആഗസ്റ്റ് 17 വരെയാണ്.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

Latest News