2019 June 19 Wednesday
നീ നിനക്കുതന്നെ ദീപമായി വര്‍ത്തിക്കുന്നുവെങ്കില്‍ നീ നിന്നില്‍തന്നെ അഭയം കണ്ടെത്തുന്നുവെന്ന് സാരം – ബുദ്ധന്‍

യഥാര്‍ഥ ഹീറോകള്‍ ജവാന്മാരാണ്, നടന്മാര്‍ പൊള്ളകള്‍; പാക് താരങ്ങളെ വിലക്കിയതിനെ പിന്തുണച്ച് നാനാപടേക്കര്‍

മുംബൈ: ഹിന്ദി സിനിമകളില്‍ നിന്ന് പാക് താരങ്ങളെ വിലക്കിയതിനെ അനുകൂലിച്ച് ബോളിവുഡ് താരം നാനാ പടേക്കര്‍. നമ്മുടെ യഥാര്‍ഥ ഹീറോകള്‍ സിനിമയിലെ താരങ്ങളല്ല, മറിച്ച് സ്വന്തം ജീവന്‍ കൊടുത്തും രാജ്യത്തെ ജനങ്ങളുടെ ജീവന്‍ സംരക്ഷിക്കുന്ന ജവാന്മാരാണ് യഥാര്‍ഥ ഹീറോകളെന്ന് നാനാ പടേക്കര്‍.

സിനിമകളിലെ ഹീറോകള്‍ എന്നത് ഒരു വ്യക്തിയുടെയോ സംഘത്തിന്റെയോ സൃഷ്ടിയാണ്. അതില്‍ യാഥാര്‍ഥ്യമില്ല, മറിച്ച് മിഥ്യയെന്ന തോന്നല്‍ സൃഷ്ടിക്കുക മാത്രമാണ് ഓരോ സിനിമയിലെ താരങ്ങളും. എന്നാല്‍, നേരെ തിരിച്ചാണ് യഥാര്‍ഥ സൈനികനെന്നും പടേക്കര്‍ പറഞ്ഞു.

ഉറിയില്‍ പാകിസ്താന്‍ നടത്തിയ ആക്രമണത്തില്‍ 18 ഇന്ത്യന്‍ ജവാന്മാര്‍ കൊല്ലപ്പെട്ടിരുന്നു. ഇതിനു ശേഷം ബോളിവുഡ് സിനിമകളില്‍ നിന്ന് പാകിസ്താന്‍ താരങ്ങളെ വിലക്കണമെന്നും അവരെ അഭിനയിപ്പിക്കരുതെന്നും അഭിപ്രായങ്ങളും ആവശ്യങ്ങളും ഉയര്‍ന്നിരുന്നു. ഇതിനോട് യോജിച്ചും എതിര്‍ത്തും നിരവധി പ്രമുഖരും സംഘടനകളും രംഗത്തെത്തിയിരുന്നു.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.