2019 July 16 Tuesday
മടിയന്മാരുടെയും മൂഢന്മാരുടെയും പ്രവൃത്തി ദിവസം എന്നും നാളെയായിരിക്കും

ജപ്പാന്‍ ചക്രവര്‍ത്തി ഇന്ന് പൊതുജനങ്ങളെ അഭിസംബോധനം ചെയ്യും

 

ടോക്കിയോ: ജപ്പാന്‍ ചക്രവര്‍ത്തി അകിഹിന്തോ ഇന്ന് പൊതുജനങ്ങളെ അഭിസംബോധനം ചെയ്യും. ഇന്ത്യന്‍ സമയം വൈകുന്നേരം ആറ് മണിക്കാണ് അഭിസംബോധനം ചെയ്യുന്നത്. ജപ്പാനില്‍ അപൂര്‍വമായെ ചക്രവര്‍ത്തിക്ക് പൊതുജനങ്ങളെ അഭിസംബോധനം ചെയ്യാന്‍ ഭരണഘടന അനുവദിക്കുന്നുള്ളു. 82 വയസ്സുള്ള അകിഹിന്തോ ചക്രവര്‍ത്തി സ്ഥാനത്ത് നിന്ന് മാറുമെന്ന് കഴിഞ്ഞാഴ്ച ജപ്പാന്‍ മാധ്യമങ്ങള്‍ റിപ്പോര്‍ട്ട് ചെയ്തിരുന്നു. ആധുനിക ജപ്പാന് ചേര്‍ന്നുള്ള മുഖമല്ല അകിഹിന്തോക്കെന്ന്‌വരെ റിപ്പോര്‍ട്ടുകളുണ്ടായിരുന്നു.

ശേഷിക്കുന്ന കാലം രാജപദവിയില്ലാതെ ജീവിക്കണമെന്ന് ജപ്പാന്‍ ചക്രവര്‍ത്തി അകിഹിന്തോയുടെ ആഗ്രഹമെന്ന് ദേശീയ ടിവി എന്‍.എച്ച്.കെയാണ് മാസങ്ങള്‍ക്ക് മുമ്പ് റിപ്പോര്‍ട്ട് ചെയ്തിരുന്നു. ആരോഗ്യപ്രശ്‌നങ്ങളാല്‍ ക്ഷീണിതനായ അകിഹിന്തോ രാജപദവികളില്‍ നിന്ന് വിട്ടുനിന്നിരുന്നു.

അതേസമയം സ്ഥാനമൊഴിയുന്നത് സംബന്ധിച്ച് ഔദ്യോഗിക തീരുമാനമായില്ലെന്ന് കൊട്ടാരം വക്താവ് പറഞ്ഞു. 56 കാരനായ കിരീടവകാശി നറുഹിതോയാണ് അടുത്ത ഭരണാധികാരിയാവുക. എന്നാല്‍ കൊട്ടാരത്തിലെ അംഗങ്ങള്‍ രാജാവിന്റെ സ്ഥാനമൊഴിയലിന് അനുകൂലമാണെന്ന് പേരുവെളിപ്പെടുത്താത്ത കൊട്ടാരം ഉദ്യോഗസ്ഥര്‍ പറഞ്ഞതായി ജപ്പാനിലെ ക്യോദോ വാര്‍ത്താ ഏജന്‍സി റിപ്പോര്‍ട്ട് ചെയ്തു.

ജപ്പാന്‍ ചക്രവര്‍ത്തിയെ രാജ്യത്തിന്റെ കേവലം അടയാളം മാത്രമായാണ് കാണുന്നത്. രണ്ടാം ലോകയുദ്ധത്തിന് ശേഷമാണ് ജപ്പാന്‍ ഭരണഘടന ചക്രവര്‍ത്തിയുടെ അധികാരങ്ങളെ പരിമിതപെടുത്തിയത്.

പൊതുജന ഐക്യത്തിന്റെയും രാജ്യത്തിന്റെയും പ്രതീകമായാണ് ചക്രവര്‍ത്തിയെ ജപ്പാന്‍ കാണുന്നത്. അകിഹിന്തോ ഇത് രണ്ടാം തവണയാണ് രാജ്യത്തെ അഭിസംബോധനം ചെയ്യുന്നത്. മുമ്പ് 2011 ല്‍ സുനാമിയും ഭൂമികുലുക്കവും ഉണ്ടായപ്പോയാണ് രാജ്യത്തെ ചക്രവര്‍ത്തി അഭിസംബോധനം ചെയ്തത്. ചക്രവര്‍ത്തി സ്ഥാനം ത്യാഗം ചെയ്യാനുള്ള ഒരുക്കത്തെ പ്രധാനമന്ത്രി ഷിന്‍ശോ അബെ സ്വാഗതം ചെയ്തിട്ടുണ്ട്.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

Latest News