2019 June 20 Thursday
നീ നിനക്കുതന്നെ ദീപമായി വര്‍ത്തിക്കുന്നുവെങ്കില്‍ നീ നിന്നില്‍തന്നെ അഭയം കണ്ടെത്തുന്നുവെന്ന് സാരം – ബുദ്ധന്‍

ജപ്പാന്‍ കുടിവെള്ള പൈപ്പ് പൊട്ടി തോട് നിറഞ്ഞിട്ടും അധികൃതര്‍ക്ക് അനക്കമില്ല

പൂച്ചാക്കല്‍: ജപ്പാന്‍ കുടിവെള്ള പൈപ്പ് പൊട്ടി തോട് നിറഞ്ഞു. പാണാവള്ളി പഞ്ചായത്ത് 16-ാം വാര്‍ഡിലെ തൈശ്ശേരി തോട്ടിലാണ് മൂന്നടിയിലേറെ ശുദ്ധജലം നിറഞ്ഞത്. വേമ്പനാട്ടു കായലുമായി ബന്ധപ്പെട്ട് കിടക്കുന്ന തോടാണെങ്കിലും കായലിലെ ഉപ്പ് വെള്ളം കയറാതിരിക്കാന്‍ മുട്ട് നിര്‍മിച്ചിട്ടുണ്ട്. വര്‍ഷങ്ങളായി ഇവിടെ ജപ്പാന്‍ കുടിവെള്ളം വിതരണം ചെയ്യുന്ന നാലിഞ്ചിന്റെ പൈപ്പ് പൊട്ടി വെള്ളം തോട്ടിലേക്ക് ഒഴുകുകയാണ്. ഇടക്കിടക്ക് നാട്ടുകാര്‍ ഇടപെട്ട് പൈപ്പ് നന്നാക്കാറുണ്ടെങ്കിലും ബന്ധപ്പെട്ട വകുപ്പില്‍ നിന്നും ഇതുവരെ അറ്റകുറ്റപ്പണിയൊന്നും ചെയ്തിട്ടില്ല.
തൈശ്ശേരി ക്ഷേത്രത്തിന്റെ മുന്നിലായാണ് കുടിവെള്ളം പാഴായിക്കൊണ്ടിരിക്കുന്നത്.  കുടിവെള്ളം പാഴാകാന്‍ തുടങ്ങീട് മൂന്ന് വര്‍ഷത്തോളമായി . ഇതിനിടയില്‍ നിരവധി തവണ പരാതികള്‍ നല്‍കിയിട്ടുണ്ട്.  എന്നാല്‍, അധികൃതര്‍ അവഗണിച്ചിരിക്കുകയാണ്. സാധാരണ ജനുവരി മാസം ആകുമ്പോഴേക്ക് തോടുകള്‍ വറ്റി വരളാറാണ് പതിവ്. ലക്ഷക്കണക്കിന് ലിറ്റര്‍ വെള്ളമാണ് ദിവസേന പാഴാകുന്നത്.

 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.