2019 May 23 Thursday
നമ്മുടെ ഭാവിയുടെ സ്രഷ്ടാക്കള്‍ മറ്റാരുമല്ല; നമ്മള്‍ തന്നെയാണ്! -മഹാവീരന്‍

‘ജനാധിപത്യ വിശ്വാസികള്‍ക്ക് കനത്ത നഷ്ടം’

തൊടുപുഴ: കേരളത്തിന്റെ കാര്‍ഷിക മേഖലയില്‍ വിപ്ലവകരമായ സംഭാവനകള്‍ നല്‍കിയ യു.ഡി.എഫ് നേതാവും കേരളാ കോണ്‍ഗ്രസ് (എം) ചെയര്‍മാനുമായ കെ.എം മാണിയുടെ വേര്‍പാട് കാര്‍ഷിക മേഖലക്കും ജനാധിപത്യ വിശ്വാസികള്‍ക്കും കനത്ത നഷ്ടമാണെന്ന് മുസ്‌ലിം ലീഗ് സംസ്ഥാന സെക്രട്ടറി ടി.എം സലിം അനുസ്മരിച്ചു.
എല്ലാക്കാലത്തും കേരളത്തിന്റെ പുരോഗമനപരമായ വികസന പ്രവര്‍ത്തനങ്ങള്‍ക്ക് നേതൃത്വം നല്‍കിയ കര്‍മധീരനായ കെ.എം മാണി ജനഹൃദയങ്ങളില്‍ സ്ഥിര പ്രതിഷ്ഠ നേടിയ ജനനേതാവാണെന്നും അദ്ദേഹം അനുശോചന സന്ദേശത്തില്‍ പറഞ്ഞു. ജനാധിപത്യ കേരളത്തിന്റെ കരുത്തനായ നേതാവായിരുന്നുവെന്ന് മുസ്‌ലിം ലീഗ് ജില്ലാ പ്രസിഡന്റ് എം.എസ് മുഹമ്മദ്, എ.എം ഹാരിദ്, എം.എം ബഷീര്‍ എന്നിവര്‍ അനുസ്മരിച്ചു. കെ.എം മാണിയുടെ നിര്യാണത്തില്‍ എം.എസ്.എഫ് ഇടുക്കി ജില്ലാ കമ്മിറ്റി അനുശോചിച്ചു.

 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.