2019 July 18 Thursday
നിങ്ങളുടെ അമ്മയോട് സംസാരത്തില്‍ മൂര്‍ച്ചയുള്ള വാക്കുകള്‍ ഉപയോഗിക്കരുത്. നിങ്ങളെ സംസാരിക്കാന്‍ പഠിപ്പിച്ചത് ആ അമ്മയാണെന്ന് മറക്കരുത്.

ജനസംഖ്യാ നയം തിരുത്തണമെന്നാവശ്യപ്പെട്ട് കേന്ദ്രമന്ത്രിയുടെ വിവാദ പ്രസ്താവന

പാറ്റ്‌ന: ഹിന്ദു ജനസംഖ്യകുറയുന്നതില്‍ ആശങ്കപ്രകടിപ്പിച്ച് കേന്ദ്രമന്ത്രി ഗിരിരാജ് സിങിന്റെ വിവാദ പ്രസ്താവന. ഹിന്ദു പെണ്‍കുട്ടികളുടെ സംരക്ഷണത്തിനായി ഇപ്പോഴുള്ള ജനസംഖ്യാ നയം മാറ്റണമെന്നും മുസ്‌ലിംകള്‍ക്ക് രണ്ടിലധികം കുട്ടികള്‍ പാടില്ലെന്നും ഗിരിരാജ് സിങ് പറഞ്ഞു.

രണ്ടുകുട്ടി നയം എല്ലാ മതങ്ങളിലും നടപ്പാക്കണം.അല്ലെങ്കില്‍ ഹിന്ദു പെണ്‍കുട്ടികള്‍ സുരക്ഷിതരാവില്ല. അവരെ പാകിസ്ഥാനിലെ പോലെ ശിരോവസ്ത്രംമൂടി സംരക്ഷിക്കേണ്ടി വരുമെന്നും മന്ത്രി പറഞ്ഞു.

‘ ഹിന്ദുക്കള്‍ക്കും മുസ്‌ലിംകള്‍ക്കും രണ്ടു കുട്ടികളേ പാടൊള്ളു. നമ്മുടെ( ഹിന്ദു) ജനസംഖ്യ കുറഞ്ഞുവരികയാണ്. ബിഹാറില്‍ ഏഴ് ജില്ലകളില്‍ ഹിന്ദു ജനസംഖ്യ കുറഞ്ഞുവരുന്നു.അവിടെ മുസ്‌ലിം ജനസംഖ്യ കൂടി. ജനസംഖ്യാ നയം നിര്‍ബന്ധമായും മാറ്റണം. അങ്ങിനെയെങ്കിലേ നമ്മുടെ കുട്ടികള്‍ രക്ഷപ്പെടൂ’. ഇതായിരുന്നു മന്ത്രിയുടെ പ്രസ്താവന.

പശ്ചിമ ചമ്പാരനിലെ ബാഗഹയില്‍ ഒരു സാംസ്‌കാരിക യാത്രയില്‍ പ്രസംഗിക്കവേ ആര്‍.എസ്.എസ്, ബി.ജെ.പി നേതാക്കളുടെ സാന്നിധ്യത്തിലാണ് മന്ത്രി വിവാദ പരാമര്‍ശം നടത്തിയത്.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

Latest News