2020 June 03 Wednesday
കോവിഡിനെതിരെ പ്രതിരോധം ശക്തമാക്കി ബഹ്റൈന്‍; രാജ്യത്ത് പരീക്ഷണാടിസ്ഥാനത്തില്‍ ഇനി പ്ലാസ്മ ചികിത്സയും

ജംറയില്‍ കല്ലേറ് കര്‍മം ആരംഭിച്ചു

കര്‍ശന സുരക്ഷയും സമയ നിയന്ത്രണവും

നിസാര്‍ കലയത്ത്

മക്ക: ഹജജിന്റെ പ്രധാന ചടങ്ങുകളിലൊന്നായ ജംറയിലെ കല്ലേറ് കര്‍മം പുരോഗമിക്കുന്നു ഇന്നലെ മുസ്ദലിഫയില്‍ രാപ്പാര്‍ത്ത ഹാജിമാര്‍ അവിടെനിന്നും കല്ലുകള്‍ ശേഖരിച്ചാണ് പുലര്‍ച്ചെ തന്നെ മിനായില്‍ തിരിച്ചെത്തിയത്.

ഇന്നലെ അറഫയിലെ പുണ്യ ഭൂമിയില്‍ നിന്ന് അല്ലാഹു പകര്‍ന്നു നല്‍കിയ പുതിയ കരുത്തിന്റെ പിന്‍ബലത്തില്‍ ഹാജിമാര്‍ സാത്താന്റെ പ്രതീകത്തിന് നേരെ ഇന്നു ആദ്യ കല്ലുകള്‍ എറിഞ്ഞു തുടങ്ങിയത്.

hajj kakker (3)

മലയാളികളടങ്ങുന്ന ഇന്ത്യന്‍ ഹാജിമാരും സ്വകാര്യ ഗ്രൂപ്പുകളിലുള്ളവരും ആദ്യ കല്ലേറ് കര്‍മം നിര്‍വഹിച്ചു.

ഇന്ത്യയില്‍ നിന്നുള്ള തീര്‍ഥാടകര്‍ എല്ലാം ഇന്നു പുലര്‍ച്ചെയൊണ് മിനായിലെത്തിയത്. മത്വാഫിന്റെ ബസ്സുകളിലും മശാഇര്‍ മെട്രോ ട്രെയിനിലുമാണ് മിനയിലേക്ക് മടങ്ങിയത്. ഏറ്റവും വലിയ പ്രതീകമായ ജംറത്തുല്‍ അക്ബയില്‍ മാത്രമെ ഇന്ത്യയില്‍ നിന്നുള്ള ഹാജിമാര്‍ ഇന്ന് കല്ലേര്‍ കര്‍മ്മം നടത്തിയത്.

hajj kakker (2)

കല്ലെറിയല്‍ കര്‍മം പൂര്‍ത്തിയാക്കിയ ശേഷം മുടി മുറിച്ച് ബലികര്‍മവും നടത്തി ഹാജിമാര്‍ മക്കയിലേക്ക് തിരിച്ചു. തുടര്‍ന്ന് കഅബാലയത്തെ അവസാനമായി പ്രദക്ഷിണം ചെയ്യുന്നതോടെ ഇത്തവണത്തെ ഹജ്ജ് കര്‍മങ്ങള്‍ക്ക് പരിസമാപ്തിയാവും.

ഇതവണ കല്ലേറ് കര്‍മത്തിന് വന് നിയന്ത്രണവും സുരക്ഷയുമാണ് സഊദി ഭരണകൂടം ഒരുക്കിയിട്ടുള്ളത്. തീര്‍ഥാടകരില്‍ ഭൂരിഭാഗവും മിനായിലെ ജമ്രകളില്‍ ഒരേ സമയം കല്ലേറ് കര്‍മം നിര്‍വഹിക്കുന്നത് അപകടങ്ങള്‍ക്ക് കാരണമാകും എന്നതിനാലാണ് ഹജ്ജ് ഉംറ മന്ത്രാലയം പുതിയ സമയക്രമം നിര്‍ണയിച്ചത്.

 
ദുല്‍ഹജ്ജ് 12 ബുധനാഴ്ച വൈകീട്ടോടെയാണ് മിനായില്‍നിന്നുള്ള മടക്കം ആരംഭിക്കുക. അനിഷ്ട സംഭവങ്ങളൊഴിവാക്കാന്‍ ദുല്‍ഹജ്ജ് 13ന് വ്യാഴാഴ്ച കൂടി കുറച്ച് തീര്‍ഥാടകരെ മിനായില്‍ തന്നെ നിര്‍ത്താന്‍ ഇത്തവണ നിര്‍ദേശം നല്‍കിയിട്ടുണ്ട്.

 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.