2019 June 20 Thursday
കുറഞ്ഞ ഗുണത്തിനു നന്ദി ചെയ്യാത്തവന്‍ അധിക ഗുണങ്ങള്‍ക്കും നന്ദി ചെയ്യുകയില്ല. ജനങ്ങളോട് നന്ദി ചെയ്യാത്തവര്‍ക്ക് അല്ലാഹുവിനോടും നന്ദിയുണ്ടാവുകയില്ല -മുഹമ്മദ് നബി(സ)

ചൈന ഓപണ്‍: ഇന്ത്യന്‍ പ്രതീക്ഷ അവസാനിച്ചു

ഗ്യാങ്ഷു: ചൈന ഓപണില്‍ ഇന്ത്യന്‍ പ്രതീക്ഷകള്‍ അവസാനിച്ചു. പുരുഷ-വനിതാ സിംഗിള്‍സില്‍ ഇന്ത്യയുടെ എച്ച്.എസ് പ്രാണോയിയും പി.വി സിന്ധുവും ക്വാര്‍ട്ടറില്‍ തോറ്റു പുറത്തായി. മികച്ച പ്രകടനത്തോടെ ക്വാര്‍ട്ടറില്‍ എത്തിയ ഇരുവര്‍ക്കും അതേ മികവ് ക്വാര്‍ട്ടറില്‍ ആവര്‍ത്തിക്കാനായില്ല.

പ്രാണോയ് രണ്ടുവട്ടം ലോക ചാംപ്യനായ ചെന്‍ ലോങിനോടാണ് പരാജയപ്പെട്ടത്. 10-21, 15-21. മൂന്നാം തവണയാണ് പ്രാണോയ് ചെന്നിനോട് പരാജയപ്പെടുന്നത്. അതേസമയം സിന്ധുവിനെ തായ്‌ലന്‍ഡിന്റെ പോണ്‍ടിപ് ബുറാനപ്രസെര്‍സുക്ക് പരാജയപ്പെടുത്തുകയായിരുന്നു. സ്‌കോര്‍ 21-17, 21-19. പോണ്‍ടിപിനെതിരേ കളിയുടെ എല്ലാമേഖലയിലും സിന്ധു പിന്നോക്കം പോവുകയായിരുന്നു
ഡബിള്‍സില്‍ മറ്റൊരു ഇന്ത്യന്‍ പ്രതീക്ഷയായ ജ്വാല ഘുട്ട-അശ്വിനി പൊന്നപ്പ സഖ്യവും പരാജയപ്പെട്ടു. ചൈനീസ് ജോഡി ലൂ യിങ്-ലൂ യു സഖ്യത്തോടാണ് പരാജയപ്പെട്ടത്. സ്‌കോര്‍ 11-21, 14-21.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.