2019 September 20 Friday
ദാരിദ്ര്യത്തെക്കുറിച്ച് ലജ്ജിക്കാനില്ല. അതില്‍ ലജ്ജതോന്നുന്നതാണ് ലജ്ജാകരം.

ചിത്രപ്പൂക്കളം തീര്‍ത്ത് ഓണാഘോഷം

കോഴിക്കോട്: വരകളിലൂടെ കാലത്തെ അടയാളപ്പെടുത്തി ആര്‍ട് ഗാലറിയില്‍ കലാകാരന്മാര്‍ ചിത്രപ്പൂക്കളം തീര്‍ത്തു. ജില്ലാ ടൂറിസം പ്രമോഷന്‍ കൗണ്‍സില്‍ സംഘടിപ്പിച്ച ഓണാഘോഷത്തിന്റെ ഭാഗമായാണ് 17 ചിത്രകാരന്മാര്‍ ആര്‍ട് ഗാലറിയില്‍ ചിത്രങ്ങള്‍ വരച്ചത്.
പോള്‍ കല്ലാനോട്, കബിത മുഖോപാധ്യായ, വിജയരാഘവന്‍ പനങ്ങാട്ട്, സി. ശാന്ത, സുചിത്ര, ലിസി, കെ.എ സെബാസ്റ്റ്യന്‍, അരവിന്ദന്‍ കോണാട്ട്, രാഘവന്‍ അത്തോളി തുടങ്ങി ജില്ലയിലും പുറത്തുമുള്ള ചിത്രകാരന്മാര്‍ ചിത്രപ്പൂക്കളം തീര്‍ക്കാനെത്തിയത്. പ്രകൃതിയും മനുഷ്യനും തമ്മിലുള്ള സംഘര്‍ഷം, പുതുകാലത്തെ സ്ത്രീ ജീവിതം തുടങ്ങിയ വിഷയങ്ങളോടുള്ള ആകുലത ചിത്രങ്ങള്‍ പങ്കുവച്ചു. കൈമോശം വന്ന കാലത്തെ സ്വപ്നം കാണുന്ന ചിത്രങ്ങളുമുണ്ടായിരുന്നു.
15 വരെ ആര്‍ട് ഗാലറിയില്‍ ചിത്രങ്ങള്‍ പ്രദര്‍ശനത്തിനുണ്ടാകും. ഓണാഘോഷ പരിപാടികളുടെ ഭാഗമായി ആനക്കുളം സാംസ്‌കാരിക കേന്ദ്രത്തില്‍ റസിഡന്റ്‌സ് അസോസിയേഷനുകള്‍ക്കായി ചിത്രരചനാ മത്സരവും സംഘടിപ്പിച്ചു.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

Latest News