2019 September 22 Sunday
സത്യാന്വേഷിയുടെ ആത്മീയ അന്വേഷണത്തിന്റെ ഭാഗമാണ് നിശബ്ദത

ചാര്‍ട്ടര്‍ ചെയ്ത വിമാനത്തില്‍ അസാധു നോട്ടുകള്‍ കടത്തി

ന്യൂഡല്‍ഹി: അസാധുവാക്കിയ 500, 1000 രൂപ നോട്ടുകള്‍ ചാര്‍ട്ടര്‍ ചെയ്ത വിമാനത്തില്‍ ഹരിയാനയില്‍ നിന്നും നാഗാലാന്റിലേക്ക് കടത്തിയതായി കണ്ടെത്തി. 3.5 കോടി രൂപയാണ് അനധികൃതമായി കടത്തിയതെന്ന് വരുമാന നികുതി വിഭാഗം അറിയിച്ചു. ഈ സാഹചര്യത്തില്‍ വിമാനങ്ങള്‍ ചാര്‍ട്ടര്‍ ചെയ്യുന്നത് പ്രത്യേകം നിരീക്ഷണത്തിന് വിധേയമാക്കണമെന്ന് വ്യോമയാന ഡയറക്ടറേറ്റ് ജനറല്‍ രാജ്യത്തെ എല്ലാ വിമാനത്താവളങ്ങള്‍ക്കും നിര്‍ദേശം നല്‍കിയിട്ടുണ്ട്.
ഹരിയാനയിലെ ഹിസാറില്‍ നിന്നും നാഗാലാന്റിലെ ദിമാപൂരിലേക്കാണ് നോട്ടുകള്‍ കടത്തിയത്. വിവരമറിഞ്ഞതോടെ ദിമാപൂര്‍ വിമാനത്താവളത്തില്‍ ജാഗ്രതാ നിര്‍ദേശം നല്‍കിയ സി.ഐ.എസ്.എഫും ഇന്‍കം ടാക്‌സ് വിഭാഗവും വിമാനത്തില്‍ കര്‍ശന പരിശോധന നടത്തി. നാഗാലാന്റ് സംസ്ഥാന രാഷ്ട്രീയത്തിലെ പ്രമുഖനായ ഒരു നേതാവിന്റെ ബന്ധുവായ അമര്‍ജിത് സിങാണ് നോട്ടുകള്‍ കടത്തിയതെന്ന് ഇന്‍കംടാക്‌സ് ഡിപ്പാര്‍ട്ടുമെന്റ് സ്ഥരീകരിച്ചു. ഇത്രയും പണം കടത്തിയതുമായി ബന്ധപ്പെട്ട കൂടുതല്‍ വിവരങ്ങള്‍ ഇന്‍കംടാക്‌സ് പുറത്തു വിട്ടിട്ടില്ല.
നോണ്‍ ഷെഡ്യൂള്‍ഡ് ഓപ്പറേറ്റിങ് പെര്‍മിഷന്റെ മറവിലാണ് ചാര്‍ട്ടേര്‍ഡ് വിമാനങ്ങള്‍ വഴി അനധികൃത കടത്ത് നടക്കുന്നത്. വിമാനങ്ങള്‍ വഴിയെത്തുന്ന എല്ലാ ലഗേജുകളും കര്‍ശന പരിശോധനയ്ക്ക് വിധേയമാക്കണമെന്ന് ഡി.ജി.സി.എ പുറത്തിറക്കിയ സര്‍ക്കുലറില്‍ ആവശ്യപ്പെട്ടിട്ടുണ്ട്.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.