2019 June 18 Tuesday
നമ്മളിലുള്ള നന്മയാണു നമ്മുടെ നീതിബോധം -തിരുവള്ളുവര്‍

ചരിത്രത്തിലെ ഏറ്റവുംലജ്ജിപ്പിക്കുന്ന സംഭവമെന്ന് ഇന്ത്യയിലെ ലണ്ടന്‍ സ്ഥാനപതി

അമൃത്‌സര്‍: ജാലിയന്‍ വാലാബാഗ് കൂട്ടക്കൊല ബ്രിട്ടീഷ്-ഇന്ത്യന്‍ ചരിത്രത്തിലെ ഏറ്റവും മോശവും ലജ്ജിപ്പിക്കുന്നതുമായ നടപടിയെന്ന് ലണ്ടന്‍ സ്ഥാനപതി ഡൊമിനിക് അസ്‌ക്വിത്.

ബ്രിട്ടീഷ് കോളനി വാഴ്ചയുടെ ഏറ്റവും മോശമായ അതിക്രമങ്ങളില്‍ ഒന്നായിരുന്നു ജാലിയന്‍ വാലാബാഗ് കുട്ടക്കൊലയെന്ന് കഴിഞ്ഞ ദിവസം ഇംഗ്ലണ്ട് ഔദ്യോഗികമായി അറിയിച്ചിരുന്നു. ഇതിനു പിന്നാലെയാണ് ഇന്ത്യയിലെ ലണ്ടന്‍ സ്ഥാനപതിയും അമൃത്‌സറിലെത്തി നിലപാട് വ്യക്തമാക്കിയത്.

ജാലിയന്‍വാലാബാഗ് കൂട്ടക്കൊലയുടെ 100ാം വാര്‍ഷികത്തില്‍ പ്രധാനമന്ത്രി നരേന്ദ്ര മോദി, കോണ്‍ഗ്രസ് അധ്യക്ഷന്‍ രാഹുല്‍ ഗാന്ധി, പഞ്ചാബ് മുഖ്യമന്ത്രി അമരിന്ദര്‍ സിങ് തുടങ്ങി നൂറുകണക്കിനുപേര്‍ അമൃത്്‌സറിലെ ജാലിയന്‍ വാലാബാഗ് സ്മാരകത്തില്‍ ശ്രദ്ധാഞ്ജലി അര്‍പ്പിച്ചിരുന്നു. ഇന്നലെ ഇന്ത്യയിലെ ലണ്ടന്‍ സ്ഥാനപതിയും സ്മാരകം സന്ദര്‍ശിച്ചാണ് കൂട്ടക്കൊല ഏറ്റവും നിന്ദ്യമായിരുന്നുവെന്ന് വ്യക്തമാക്കിയത്.

ജാലിയന്‍ വാലാബാഗ് കൂട്ടക്കൊല ബ്രിട്ടീഷ്-ഇന്ത്യന്‍ ചരിത്രത്തില്‍ ഏറ്റവും ലജ്ജിപ്പിക്കുന്നതാണ്. സംഭവത്തില്‍ പശ്ചാത്തപിക്കുന്നതായി ലണ്ടന്‍ സ്ഥാനപതി ഡൊമിനിക് അസ്‌ക്വിത് സന്ദര്‍ശന പുസ്തകത്തില്‍ കുറിച്ചു. 21ാം നൂറ്റാണ്ടില്‍ ഇന്ത്യയും ബ്രിട്ടനും തമ്മിലുള്ള പങ്കാളിത്തം ശക്തിപ്പെടുത്തേണ്ടതില്‍ പരസ്പരം പ്രതിജ്ഞാബദ്ധമാണെന്നും അദ്ദേഹം കൂട്ടിച്ചേര്‍ത്തു. സ്മാരകത്തില്‍ സന്ദര്‍ശനം നടത്തിയ പ്രധാനമന്ത്രി നരേന്ദ്ര മോദിയും സ്വാതന്ത്ര്യ സമരത്തിനായി ജീവത്യാഗം വരിച്ചവര്‍ക്ക് ശ്രദ്ധാഞ്ജലി അര്‍പ്പിച്ചു. സ്വാതന്ത്ര്യത്തിനായി സ്വന്തം ജീവന്‍ വിലനല്‍കിയവര്‍ ഒരിക്കലും വിസ്മരിക്കപ്പെടില്ലെന്ന് രാഹുല്‍ ഗാന്ധിയും അമൃത്‌സറില്‍ പറഞ്ഞു.

 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.