2019 April 24 Wednesday
പരാജയം ഒരു കുറ്റമേയല്ല. എന്നാല്‍, പരാജയത്തില്‍ നിന്നു പാഠം പഠിക്കാതിരിക്കല്‍ ഒരു കുറ്റം തന്നെയാണ് -വാള്‍ട്ടര്‍ റിസ്റ്റണ്‍

ചന്ദന മരം വെട്ടിക്കടത്തുന്നതിനിടെ ആറുപേര്‍ പിടിയില്‍

വണ്ടിപ്പെരിയാര്‍: സ്വകാര്യ വ്യക്തിയുടെ പുരയിടത്തില്‍ നിന്ന് ചന്ദന മരം വെട്ടിക്കടത്തുന്നതിനിടെ ആറുപേരെ വനപാലകര്‍ പിടികൂടി.
വള്ളക്കടവ് കറുപ്പുപാലം സ്വദേശികളായ പുഞ്ചപറമ്പില്‍ പി വി സുരേഷ് (48), കടശിക്കാട് രാജന്‍ (45), പ്ലവനക്കുഴിയില്‍ ബിജു (39), ഇഞ്ചിക്കാട് എസ്‌റ്റേറ്റില്‍ അയ്യപ്പന്‍ (45), പാലക്കാത്തൊടിയില്‍ എം ഖാദര്‍ (41), ഡൈമുക്ക് കന്നിമാര്‍ചോല കൊച്ചുപുരയ്ക്കല്‍ സുരേഷ് (38) എന്നിവരാണ് പിടിയിലായത്. വ്യാഴാഴ്ച പുലര്‍ച്ചെ മൂന്നു മണിയോടെയായിരുന്നു സംഭവം. വണ്ടിപ്പെരിയാര്‍ കക്കിക്കവലയില്‍ തേക്കടി റെയിഞ്ച് ഓഫിസര്‍ ബി ആര്‍ അനുരാജ്, ദില്‍ഷാദ്, എസ്.ശരത്, ആര്‍ സുരേഷ്, കെ.രാജന്‍, ടി. നവരാജ് എന്നിവര്‍ വാഹന പരിശോധന നടത്തുന്നതിനിടെ ചന്ദനവുമായെത്തിയ ഓട്ടോറിക്ഷയില്‍ നിന്നും ഡ്രൈവര്‍ ഇറങ്ങിയോടി. വനപാലകര്‍ പിന്നാലെയെത്തി ഇയാളെ പിടികൂടുകയും പിന്നീട് വാഹനം പരിശോധിക്കുകയും ചെയ്തതോടെയാണ് ഓട്ടോയുടെ പിന്നില്‍ നാല് കഷണങ്ങളായി ഒളിപ്പിച്ചു വച്ചിരുന്ന 74 കിലോ ചന്ദനം കണ്ടെത്തിയത്. ഇതേ തുടര്‍ന്ന് മറ്റ് പ്രതികള്‍ സഞ്ചരിച്ചിരുന്ന ഓട്ടോറിക്ഷയും കസ്റ്റഡിയിലെടുത്തു. ഈ ചന്ദനത്തടികള്‍ക്ക് പൊതുവിപണിയില്‍ ഏകദേശം 1,10,000 രൂപ വിലമതിക്കുമെന്ന് വനപാലകര്‍ പറഞ്ഞു.

 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.