2019 May 25 Saturday
നമ്മുടെ ഭാവിയുടെ സ്രഷ്ടാക്കള്‍ മറ്റാരുമല്ല; നമ്മള്‍ തന്നെയാണ്! -മഹാവീരന്‍

ചക്കിട്ടപ്പാറ ഖനനം: സി.പി.എം ജനങ്ങളെ തെറ്റിദ്ധരിപ്പിക്കുന്നു: കോണ്‍ഗ്രസ്

പേരാമ്പ്ര: ചക്കിട്ടപ്പാറ പയ്യാനക്കോട്ടയില്‍ ഖനന നീക്കത്തിന് എല്ലാ അനുമതിയും നല്‍കിയത് 2006-11ലെ അച്യുതാനന്ദന്‍ സര്‍ക്കാരാണെന്നും ഉമ്മന്‍ചാണ്ടി സര്‍ക്കാര്‍ അനുമതികളെല്ലാം റദ്ദാക്കിയതാണെന്നും പേരാമ്പ്ര ബ്ലോക്ക് കോണ്‍ഗ്രസ് കമ്മിറ്റി അഭിപ്രായപ്പെട്ടു.
ഇപ്പോള്‍ ജനങ്ങളെ തെറ്റിദ്ധരിപ്പിക്കാനാണ് സി.പി.എം ശ്രമിക്കുന്നത്. അന്നത്തെ പേരാമ്പ്ര എം.എല്‍.എ കെ. കുഞ്ഞമ്മത് മാസ്റ്റര്‍, ചക്കിട്ടപ്പാറ പഞ്ചായത്ത് ഓഫിസില്‍ സര്‍വകക്ഷിയോഗം വിളിച്ചുചേര്‍ക്കുകയും ആ യോഗത്തിലേക്ക് എം.എസ്.പി.എല്‍ കംപനി ഡയരക്ടര്‍മാരെ വിളിച്ചുവരുത്തുകയും ചെയ്തു. എം.എസ്.പി.എല്‍ കംപനി ഡയരക്ടര്‍മാരെ കേന്ദ്ര സര്‍ക്കാര്‍ ഉദ്യോഗസ്ഥരാണെന്നാണ് അന്ന് എം.എല്‍.എ സര്‍വകക്ഷി യോഗത്തില്‍ പരിചയപ്പെടുത്തിയത്. കോണ്‍ഗ്രസ് പ്രതിനിധികളുടെ ശക്തമായ എതിര്‍പ്പിനെ തുടര്‍ന്ന് എം.എല്‍.എ ഇതു തിരുത്തുകയുണ്ടായെന്നും പേരാമ്പ്ര ബ്ലോക്ക് കോണ്‍ഗ്രസ് പ്രസിഡന്റ് രാജന്‍ മരുതേരി വ്യക്തമാക്കി. ഖനന നീക്കത്തിന് സി.പി.എം എതിരാണെങ്കില്‍ സ്ഥലം എം.എല്‍.എയായ മന്ത്രിയും മുഖ്യമന്ത്രിയും നിലപാട് വ്യക്തമാക്കണമെന്നും അദ്ദേഹം ആവശ്യപ്പെട്ടു.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.