2018 December 12 Wednesday
ഏറ്റവും വലിയ ഇരുമ്പുമറ സ്വന്തം മനസിനു ചുറ്റും നാം പണിയുന്നതാണ്-ജവഹര്‍ലാല്‍ നെഹ്‌റു

ഗവേഷണത്തിന് ജെ.എന്‍.എം.എഫ് സ്‌കോളര്‍ഷിപ്പ്

പി.എച്ച്.ഡി ഗവേഷണ പഠനത്തിനായി ന്യൂഡല്‍ഹിയിലെ ജവഹര്‍ലാല്‍ നെഹ്‌റു മെമ്മോറിയല്‍ ഫണ്ട് (ജെ.എന്‍.എം.എഫ്) നല്‍കുന്ന സ്‌കോളര്‍ഷിപ്പാണിത്.
ഏഷ്യയിലെ ഏതു രാജ്യക്കാര്‍ക്കും ഈ സ്‌കോളര്‍ഷിപ്പിന് അപേക്ഷിക്കാം. 2019 ജനുവരി മുതല്‍ രണ്ടു വര്‍ഷത്തേയ്ക്കാണ് സ്‌കോളര്‍ഷിപ്പ്. മെയിന്റനന്‍സ് അലവന്‍സ് ഉള്‍പ്പെടെ പ്രതിമാസം 18,000 രൂപ, 15,000 രൂപ വാര്‍ഷിക ഗ്രാന്റ് എന്നിങ്ങനെയാണ് സ്‌കോളര്‍ഷിപ്പ് ലഭിക്കുക.
ഇന്ത്യന്‍ ഹിസ്റ്ററി ആന്‍ഡ് സിവിലിനേഷന്‍, സോഷ്യോളജി, കംപാരറ്റീവ് സ്റ്റഡീസ് ഇന്റലീജിയന്‍ ആന്‍ഡ് കള്‍ച്ചര്‍, ഇക്കണോമിക്‌സ്, ഇക്കോളജി ആന്‍ഡ് എന്‍വയോണ്‍മെന്റ്, ജിയോഗ്രഫി, ഫിലോസഫി എന്നീ സ്‌പെഷലൈസേഷന്‍ മേഖലകളിലേക്കാണ് അപേക്ഷിക്കാവുന്നത്.
ഇന്ത്യയിലെ അംഗീകൃത സര്‍വകലാശാലയില്‍ പി.എച്ച്.ഡിക്ക് രജിസ്റ്റര്‍ ചെയ്ത ഫസ്റ്റ് ക്ലാസ് ഗ്രേജ്വേറ്റ് ബിരുദം ഉള്ളവര്‍ക്കാണ് അപേക്ഷിക്കാന്‍ യോഗ്യത. ബിരുദ, ബിരുദാനന്തര തലത്തില്‍ ആകെ 60 ശതമാനം മാര്‍ക്കെങ്കിലും വേണം. മുഴുവന്‍ സമയ പി.എച്ച്.ഡി സ്‌കോളറായിരിക്കണം. പ്രായം 35 വയസില്‍ കവിയാന്‍ പാടില്ല.
അപേക്ഷാഫോം www.jnmf.in എന്ന വെബ്‌സൈറ്റില്‍ ലഭിക്കും. അപേക്ഷ സംബന്ധിച്ച വിശദവിവരങ്ങളും അപേക്ഷിക്കേണ്ട രീതിയും അറിയുന്നതിനും ഈ വെബ്‌സൈറ്റ് സന്ദര്‍ശിക്കുക. അപേക്ഷിക്കാവുന്ന അവസാന തിയതി മെയ് 31.

 

 


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.