2017 December 08 Friday
വിയര്‍പ്പ് വറ്റുന്നതിനു മുമ്പ് തൊഴിലാളിക്ക് അവന്റെ കൂലി കൊടുക്കുക
മുഹമ്മദ് നബി(സ)

ഖത്തറിന്റെ വിവിധ ഭാഗങ്ങളില്‍ ശക്തമായ കാറ്റിന് സാധ്യത

അഹമ്മദ് പാതിരിപ്പറ്റ

ദോഹ: വെള്ളിയാഴ്ച മുതല്‍ ഞായറാഴ്ച വരെ രാജ്യത്തിന്റെ വിവിധ ഭാഗങ്ങളില്‍ ശക്തമായ കാറ്റിന് സാധ്യതയുണ്ടെന്ന് ഖത്തര്‍ കാലാവസ്ഥാ നിരീക്ഷണ വിഭാഗം മുന്നറിയിപ്പ് നല്‍കി. തീരമേഖലയില്‍ കാറ്റിന്റെ വേഗത മണിക്കൂറില്‍ 15നും 25നും നോട്ടിക്കല്‍മൈല്‍ മുതല്‍ 30 നോട്ടിക്കല്‍മൈല്‍ ആയിരിക്കും. എന്നാല്‍ തീരമേഖലയില്‍ നിന്നുംമാറി കാറ്റിന്റെ വേഗത 18നും 25നും നോട്ടിക്കല്‍മൈല്‍ മുതല്‍ 35 നോട്ടിക്കല്‍മൈല്‍ വരെയായിരിക്കും. തിരമാലകള്‍ സമുദ്രനിരപ്പില്‍നിന്നും ഏഴു മുതല്‍ പത്ത് അടിവരെ ഉയരത്തില്‍ വീശിയടിക്കും. ചിലയിടങ്ങളില്‍ 12 അടിവരെ ഉയരത്തിലാകാന്‍ സാധ്യതയുണ്ട്. വടക്കുപടിഞ്ഞാറന്‍ കാറ്റിന്റെ ഫലമായി പൊടിപടലങ്ങള്‍ രൂപപ്പെടാനിടയുണ്ട്. ഇതിന്റെ ഫലമായി കാഴ്ചാപരിധി രണ്ടുകിലോമീറ്ററില്‍ താഴെയായി കുറയാനിടയുണ്ട്. വാരാന്ത്യത്തില്‍ താപനിലയില്‍ കാര്യമായ കുറവുണ്ടാകാനിടയുണ്ട്. രാജ്യത്തിന്റെ വിവിധ ഭാഗങ്ങളില്‍ കുറഞ്ഞ താപനില 11നും 18 ഡിഗ്രിസെല്‍ഷ്യല്‍സിനുമിടയിലായിരിക്കും. കൂടിയ താപനില 20 മുതല്‍ 24 ഡിഗ്രിസെല്‍ഷ്യല്‍സ് വരെയായിരിക്കും. രാജ്യം കടുത്ത തണുപ്പിലേക്ക് നീങ്ങുന്നുവെന്നതാണ് താപനിലയിലെ ഈ കുറവ് സൂചിപ്പിക്കുന്നത്.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.