2018 February 19 Monday
ശത്രുവിനോടു പൊരുതിയിട്ടാണൊരാളുടെ ജീവിതം നടന്നുപോകുന്നതെങ്കില്‍, ശത്രുവിന്റെ ജീവിതം നിലനിര്‍ത്തുന്നതിലും അയാള്‍ക്കൊരു താല്‍പര്യമുണ്ടാവും.
ഫ്രെഡറിക് നീഷെ

ഖത്തര്‍ പ്രതിസന്ധി: ചതുര്‍ രാഷ്ട്ര വിദേശ മന്ത്രിമാര്‍ ന്യൂയോര്‍ക്കില്‍ യോഗം ചേര്‍ന്നു

റിയാദ്: ഖത്തര്‍ പ്രതിസന്ധതി ചര്‍ച്ച ചെയ്യാനായി ഖത്തര്‍ വിരുദ്ധ രാജ്യങ്ങളുടെ വിദേശകാര്യ മന്ത്രിമാര്‍ ന്യൂയോര്‍ക്കില്‍ യോഗം ചേര്‍ന്നു. സഊദി അറേബ്യ, ബഹ്‌റൈന്‍, യു എ ഇ, ഈജിപ്ത് എന്നീ രാജ്യങ്ങളിലെ വിദേശ കാര്യമന്ത്രിമാരാണ് തുടര്‍നടപടികള്‍ കൈകോള്ളുന്നതിനു ഇവിടെ യോഗം ചേര്‍ന്നത്.

പുതിയ നടപടികളെക്കുറിച്ചു കൂടുതല്‍ വിശദീകരണം ലഭ്യമല്ലെങ്കിലും പാരീസ് ആസ്ഥാനമായ ഖത്തര്‍ ശൈഖ് സുല്‍ത്താന്‍ ബിന്‍ സുല്‍ത്താന്‍ ആല്‍ഥാനി യുടെ ദേശീയ യോഗം ചേരണമെന്ന പ്രസ്താവനയും കൂട്ടത്തില്‍ അവലോകനം നടത്തിയതായാണ് റിപ്പോര്‍ട്ടുകള്‍.

തീവ്രവാദ, ഭീകരവാദ സഹായങ്ങള്‍ നിര്‍ത്തിവെക്കാന്‍ ഖത്തര്‍ ഒരുക്കമാകണമെന്നുള്ള നിലപാടുകളില്‍ ഊന്നിയാണ് ചര്‍ച്ചകള്‍ നടന്നതെന്ന് ഈജിപ്ത് വിദേശ മന്ത്രി സാമിഹ് ശുക്‌രി പറഞ്ഞു. അറബ് സമൂഹത്തിന്റെ ഐക്യത്തിനും ജി സി സി രാജ്യങ്ങല്‍ക്കുളില്‍ വിശുദ്ധിക്കും വേണ്ടി കുവൈത് അമീര്‍ നടത്തുന്ന പ്രയത്‌നങ്ങളെ സ്വാഗതം ചെയ്യുന്നതായും അദ്ദേഹം പറഞ്ഞു.

അതേസമയം, ഖത്തര്‍ അമീര്‍ ശൈഖ് തമീം ബിന്‍ ഹമദ് അല്‍ഥാനി ഇന്ന് യുഎന്‍ പൊതു സഭയെ അഭിമുഖീകരിക്കുന്നുണ്ട്. ചതുര്‍രാഷ്ട്രങ്ങളുടെ ആരോപണമായ തീവ്രവാദ ബന്ധത്തെ ഊന്നിയായിരിക്കും പ്രസംഗമെന്നാണ് സൂചനകള്‍. മേഖലയിലെയും ഖത്തറുമായും ബന്ധമുള്ള പ്രാദേശികവും അന്തര്‍ദേശീയവുമായ വിഷയങ്ങളില്‍ തങ്ങളുടെ നിലപാടുകള്‍ യു എന്‍ പൊതുസഭയില്‍ ഖത്തര്‍ അമീര്‍ വ്യക്തമാക്കും.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.