2020 July 13 Monday
കോവിഡിനെതിരെ പ്രതിരോധം ശക്തമാക്കി ബഹ്റൈന്‍; രാജ്യത്ത് പരീക്ഷണാടിസ്ഥാനത്തില്‍ ഇനി പ്ലാസ്മ ചികിത്സയും

ക്ഷീര സഹകാരി അവാര്‍ഡുകള്‍ പ്രഖ്യാപിച്ചു

തിരുവനന്തപുരം: ക്ഷീരോല്‍പാദന മേഖലയില്‍ മികച്ച വിജയം കൈവരിച്ച സഹകാരികള്‍ക്ക് ക്ഷീരവികസന വകുപ്പ് നല്‍കുന്ന അവാര്‍ഡുകള്‍ മന്ത്രി കെ. രാജു പ്രഖ്യാപിച്ചു. മികച്ച ക്ഷീരകര്‍ഷകനായി വയനാട് സുല്‍ത്താന്‍ ബത്തേരി ക്ഷീരസംഘത്തിലെ എം.വി മോഹന്‍ദാസ് തെരഞ്ഞെടുക്കപ്പെട്ടു. ഒരു ലക്ഷം രൂപയും പ്രശസ്തിപത്രവും അടങ്ങുന്നതാണ് അവാര്‍ഡ്. ഇന്ന് പട്ടം ഡയറി സമുച്ചയത്തില്‍ മുഖ്യമന്ത്രി പിണറായി വിജയന്‍ അവാര്‍ഡ് സമ്മാനിക്കും.
മൂന്നു മേഖലാതല അവാര്‍ഡുകളും പ്രഖ്യാപിച്ചു. തിരുവനന്തപുരം മേഖലയില്‍ വെങ്ങാനൂര്‍ കിടാരക്കുഴി ജയധരന്‍(ജനറല്‍ വിഭാഗം), വെള്ളനാട് ചെമ്പനാംകോട് എസ്. ലതയും(വനിത) നേമം കാരോട് ടി.തങ്കപ്പന്‍ കാണിയും(എസ്.സി, എസ്.ടി) അര്‍ഹരായി.
50,000 രൂപയും പ്രശസ്തിപത്രവുമാണ് മേഖലാതല അവാര്‍ഡ്. എറണാകുളം മേഖലയില്‍ തൃശൂര്‍ വെള്ളാങ്കല്ലൂര്‍ പി.ടി ശ്രീധാസ് (ജനറല്‍),  കോട്ടയം എരവിമംഗലം ഗ്രേസി മാത്യു(വനിത),  തൃപ്പൂണിത്തുറ സ്വദേശി ചന്ദ്രന്‍(എസ്.സി, എസ്.ടി) അര്‍ഹരായി. മലബാര്‍ മേഖലാതലത്തില്‍ തലശേരി കെ.പി മൊയ്തീന്‍കുട്ടി(ജനറല്‍) വയനാട് മീനങ്ങാടി ആനീസ് ബിജു(വനിത) കോഴിക്കോട് കുന്ദമംഗലം സ്വദേശി എം.കെ.ജയന്‍ (എസ്.സി, എസ്.ടി) അര്‍ഹരായി.
ജില്ലാതല അവാര്‍ഡുകള്‍ക്ക് 42 പേര്‍ അര്‍ഹരായി. 20,000 രൂപയും പ്രശസ്തിപത്രവും അടങ്ങുന്നതാണ് ഇവര്‍ക്കുള്ള അവാര്‍ഡുകള്‍. ഇവയും മുഖ്യമന്ത്രി ഇന്ന് വിതരണം ചെയ്യും.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.