2019 August 25 Sunday
ഹൃദയത്തില്‍ സത്യമുള്ളവന്‍ തന്റെ നാവിനെ പറ്റി ഭയപ്പെടേണ്ടതില്ല

ക്ഷീര കര്‍ഷക സംഗമവും പുരസ്‌കാര വിതരണവും നടത്തി

നടുവണ്ണൂര്‍: ക്ഷീര കര്‍ഷക വേദി ജില്ലാ കമ്മിറ്റിയുടെ നേതൃത്വത്തില്‍ ക്ഷീരകര്‍ഷക സംഗമവും ജില്ലയിലെ ഏറ്റവും നല്ല ലൈവ് സ്റ്റോക്ക് ഇന്‍സ്‌പെക്ടര്‍ക്കുള്ള ഗോപാല ശ്രീ പുരസ്‌കാര വിതരണവും നളന്ദാ ഓഡിറ്റോറിയത്തില്‍ നടന്നു. സംഗമം പുരുഷന്‍ കടലുണ്ടി എം.എല്‍.എ ഉദ്ഘാടനം ചെയ്തു. വാകയാട് വെറ്ററിനറി സബ്‌സെന്ററിലെ അസിസ്റ്റന്റ് ഫീല്‍ഡ് ഓഫിസര്‍ കെ. സുധിക്കു ജില്ലയിലെ ഏറ്റവും നല്ല ലൈവ് സ്റ്റോക്ക് ഇന്‍സ്‌പെക്ടര്‍ക്കുള്ള ഗോപാല ശ്രീ പുരസ്‌കാരം സമ്മാനിച്ചു.
ക്ഷീരകര്‍ഷക വേദി സംസ്ഥാന ജനറല്‍ സെക്രട്ടറി കെ.എം സുരേഷ് ബാബു അധ്യക്ഷനായി. മലബാര്‍ ദേവസ്വം ബോര്‍ഡ് അംഗം എം. മുരുകേശന്‍ മാസ്റ്റര്‍, സാമൂഹ്യക്ഷേമ ബോര്‍ഡ് ഉപദേശക സമിതി അംഗം വി. മറിയുമ്മ ടീച്ചര്‍, പ്രദീപം ചീഫ് റിപ്പോര്‍ട്ടര്‍ എരവട്ടൂര്‍ ബാലകൃഷ്ണന്‍, കേരള ലൈവ് സ്റ്റോക്ക് ഇന്‍സ്‌പെക്ടേഴ്‌സ് അസോസിയേഷന്‍ സംസ്ഥാന ജനറല്‍ സെക്രട്ടറി അസ്മത്തുല്ല ഖാന്‍ എ, ജില്ലാ സെക്രട്ടറി വി. മനോജ്, രാമദാസ് വേങ്ങേരി, വല്ലാഞ്ചിറ പൊന്നപ്പന്‍, ക്ഷീരകര്‍ഷക വേദി ജില്ലാ സെക്രട്ടറി കൊല്ലന്‍കണ്ടി വിജയന്‍, കെ.പി.യു അലി, എന്‍. സൈനബ, വനജ സി, കെ.എം ശ്രീധരന്‍ പ്രസംഗിച്ചു.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

Latest News

Trending News